Astana qalasynyń ákimi Altai Kólginov QR Prezidentin ulyqtaý rásiminen keiin LRT qurylysy týraly pikir bildirdi, dep habarlaidy QazAqparat.
«LRT týraly aitsaq, jumys bastalyp ketti. Birinshi transhtyń aqshasy bólindi. Injenerlik qurandy bólshekteri men arqalyqtary ornatylyp jatqanyn kórip júrsizder. Qazir osynyń bári júrip jatyr. Bizdiń mindet – LRT qurylysyn aiaqtaý. Kelesi jyldyń boljamy boiynsha astanada 1,5 mln adam turatyn bolady. Bul jyl áli aiaqtalǵan joq. Taǵy 100 myń adam qosylatyn shyǵar. Bas jospar boiynsha, 5-6 jyldan keiin astanamyzda 2 mln adam turady degen boljam bar», - dedi ákim QR Prezidentin ulyqtaý rásiminen keiin BAQ ókilderine bergen suhbatynda.
Sondai-aq, ol atalǵan qurylysqa áli 580 mln dollar kerek ekenin eske saldy.
«Qytai konsortsiýmymen Qazaqstan tarapy arasynda mindettemeler men kelisimderge qol qoiylǵan. Endi qurylysty aiaqtaý ǵana qaldy. Taǵy 580 mln dollar kerek. Birinshi transhpen 20 mlrd teńge bólingen. Ekinshi transh aiasynda jeltoqsan aiynda 30 mlrd teńge bólinedi. Kelisim Qytai konsortsiýmy men Qazaqstan arasynda ǵana jasalǵan. Basqa kelisimder joq. Qazaqstan tarapy tapsyrys berýshi bolyp otyr», - dedi Altai Kólginov.
