استانا قالاسىنىڭ ەكٸمٸ التاي كٶلگٸنوۆ قر پرەزيدەنتٸن ۇلىقتاۋ رەسٸمٸنەن كەيٸن LRT قۇرىلىسى تۋرالى پٸكٸر بٸلدٸردٸ, دەپ حابارلايدى قازاقپارات.
«LRT تۋرالى ايتساق, جۇمىس باستالىپ كەتتٸ. بٸرٸنشٸ ترانشتىڭ اقشاسى بٶلٸندٸ. ينجەنەرلٸك قۇراندى بٶلشەكتەرٸ مەن ارقالىقتارى ورناتىلىپ جاتقانىن كٶرٸپ جٷرسٸزدەر. قازٸر وسىنىڭ بەرٸ جٷرٸپ جاتىر. بٸزدٸڭ مٸندەت – LRT قۇرىلىسىن اياقتاۋ. كەلەسٸ جىلدىڭ بولجامى بويىنشا استانادا 1,5 ملن ادام تۇراتىن بولادى. بۇل جىل ەلٸ اياقتالعان جوق. تاعى 100 مىڭ ادام قوسىلاتىن شىعار. باس جوسپار بويىنشا, 5-6 جىلدان كەيٸن استانامىزدا 2 ملن ادام تۇرادى دەگەن بولجام بار», - دەدٸ ەكٸم قر پرەزيدەنتٸن ۇلىقتاۋ رەسٸمٸنەن كەيٸن باق ٶكٸلدەرٸنە بەرگەن سۇحباتىندا.
سونداي-اق, ول اتالعان قۇرىلىسقا ەلٸ 580 ملن دوللار كەرەك ەكەنٸن ەسكە سالدى.
«قىتاي كونسورتسيۋمىمەن قازاقستان تاراپى اراسىندا مٸندەتتەمەلەر مەن كەلٸسٸمدەرگە قول قويىلعان. ەندٸ قۇرىلىستى اياقتاۋ عانا قالدى. تاعى 580 ملن دوللار كەرەك. بٸرٸنشٸ ترانشپەن 20 ملرد تەڭگە بٶلٸنگەن. ەكٸنشٸ ترانش اياسىندا جەلتوقسان ايىندا 30 ملرد تەڭگە بٶلٸنەدٸ. كەلٸسٸم قىتاي كونسورتسيۋمى مەن قازاقستان اراسىندا عانا جاسالعان. باسقا كەلٸسٸمدەر جوق. قازاقستان تاراپى تاپسىرىس بەرۋشٸ بولىپ وتىر», - دەدٸ التاي كٶلگٸنوۆ.
