Altai Kólginov Instagram paraqshasynda qala turǵyndaryna ózderin, jaqyndaryn jáne ainalasyndaǵy jandardy qorǵaý úshin vaktsina alýǵa shaqyrdy, dep habarlaidy "Ult aqparat".
«Koronavirýs indetin lokdaýn, shekteý sharalaryn engizý arqyly jeńe almaimyz. Bular COVID-19 infektsiiasynyń taralý kórsetkishin ýaqytsha tómendetýge ǵana múmkindik beredi.
Pandemiiany vaktsinatsiia arqyly ǵana jeńýge bolady. Ujymdyq immýnitetti qalyptastyrý árqaisymyzǵa tikelei bailanysty. Sebebi ujymdyq immýnitet qalyptasqanda ǵana oqýshylar men stýdentter sabaǵyn offlain rejimde oqi alady, sol siiaqty kásiporyndardyń bári karantindik shekteýsiz jumys isteitin bolady. Eń bastysy – adam óliminiń sany azaiady. Bul jai sandar emes, árqaisysynda bir adamnyń ómiri men olardyń otbasylarynyń taǵdyry tur!
Memleket basshysynyń tapsyrmasy aiasynda meditsina mekemeleriniń dárigerlerimen epidemiologiialyq ahýaldy talqyladyq.
Birinshi. Mobildi brigadalar sanyn arttyrý
Qalada koronavirýs infektsiiasyn juqtyrǵan naýqastardyń úiine baratyn 186 brigada bar. Olar naýqastardyń densaýlyǵyn tekserip, PTR alady, sondai-aq qarym-qatynasta bolǵan azamattardy tekseredi. Brigadalar sanyn taǵy 100 birlikke kóbeitýdi tapsyrdym. Endi 300-ge jýyq mobildi brigada qyzmet etetin bolady.
Ekinshi. Meditsina mekemelerin barynsha jabdyqtaý
Meditsina mekemelerin qajetti apparattarmen jabdyqtaýdy biyl da jalǵastyramyz. Máselen, qosymsha jyljymaly rentgen apparattary, patsient monitorlary, perfýzorlar jáne t.b. jetkizildi.
Úshinshi. Dári-dármekpen qamtamasyz etý
Dári-dármekter men jeke qorǵanys quraldarynyń eki ailyq qory bolýy tiis.
Tórtinshi. Vaktsinatsiia qarqynyn arttyrý
Meditsina mekemeleriniń bárinde, sol siiaqty iri saýda oiyn-saýyq ortalyqtary men saýda úilerinde vaktsinatsiialaý pýnkti ashyldy. Sonymen qatar, eńbek ujymdaryn vaktsinatsiialaý úshin kóshpeli brigadalar uiymdastyryldy. Qazir 318 myńnan astam adam vaktsina aldy.
Sondai-aq, sanitarlyq normalardy saqtaý boiynsha monitoringtik toptardyń jumysy kúsheitildi.
Vaktsinatsiia – bul jai ǵana tańdaý emes. Aldyńyzda eki tańdaý tur, vaktsinatsiia arqyly tolyqqandy salaýatty ómirdi tańdaisyz nemese aýrýhana tósegine tańylyp, indetpen kúresýińizge týra keledi. Sebebi koronavirýs adam aǵzasyn álsiretip, densaýlyqqa qatty soqqy beredi. Mundai qaýipti shaqta densaýlyǵyńyzdy qaterge tikpeńiz. Vaktsinatsiia ǵana ózińizdi, jaqyndaryńyzdy jáne ainalańyzdaǵy adamdardy qorǵaýǵa múmkindik beredi», - dep jazdy elorda ákimi.
