Aýa raiynyń nasharlaýyna bailanysty Aqmola jáne Almaty oblysynda kólik qozǵalysy shekteldi, dep habarlandy QR Indýstriia jáne infraqurylymdyq damý ministrliginiń resmi Telegram kanalynda.
Qolaisyz aýa raiyna (qar, boran, joldyń nashar kórinýi) 8 aqpanda saǵat 10:30-dan bastap Aqmola oblysynda «Nur-Sultan-Qorǵaljyn» avtojolynyń 19-180 shaqyrymynda «Nur-Sultan q.-Qorǵaljyn qoryǵy» ýchaskesinde barlyq kólik túrleri úshin kólik qozǵalysy shekteldi.
Sondai-aq 8 aqpanda saǵat 10:00-de Almaty oblysynda qolaisyz aýa raiyna (boran, shekteýli kórinis) bailanysty «Úsharal-Dostyq» avtojolynyń 83-184 shaqyrymynda «Kóktýma st-Dostyq st.» ýchaskesinde («Avtodor NS» ABK qaita qurýǵa arnalǵan ýchaskesi) avtokóliktiń barlyq túrleri úshin qozǵalysqa shekteý engizildi.
Buǵan deiin habarlanǵandai, qolaisyz aýa raiyna bailanysty Pavlodar jáne Qaraǵandy oblysy joldarynda qozǵalysqa shekteý qoiylǵan bolatyn.
