Foto: gemotest.ru
Almatyda kókjótel juqtyrǵandar kóbeidi, dep habarlaidy "Ult Aqparat" Qazaqstan Ulttyq arnasyna silteme jasap.
Byltyr 5 jaǵdai tirkelse, biyl bes aidyń ózinde 62 balaǵa kókjótel tigen. Olardyń basym bóligi – 14 jasqa tolmaǵandar. Búldirshinderdiń 90 paiyzy – aýrýǵa qarsy ekpe almaǵan. 16 paiyzǵa jýyǵy – ekpe jasyna jetpegen bala.
Jalpy nárestege 2, 3, 4, 18 ai bolǵanda vaktsina saldyrýǵa bolady. Mamandardyń aitýynsha, alǵashynda naýqasta qarapaiym sýyq tiiýdiń belgileri bolady. Keiin jótel dendep, balanyń dene qyzýy kóteriledi. Onyń aldyn alý joly – ýaqytynda ekpe egý, - deidi dárigerler.
Almash Ahmetova, qalalyq sanitariialyq-epidemiologiialyq baqylaý departamentiniń bólim basshysy:
Kókjótel juqpaly bolyp tabylady. Naýqas jótelgende, sóilegende, túshkirgende qasyndaǵy adamdarǵa juǵady. Qandai da bir belgileri bolsa ózin ózi emdeýmen ainalyspai, der kezinde turǵylyqty jerdegi emhanalarda meditsinalyq qyzmetkerlerge qaralyp, olardyń usynǵan emin qabyldaý qajet, sonymen qatar, aýyrǵan balalar bolsa kópshilik baratyn oryndaýǵa aparmaýyn suraimyz.
Soltústik Qazaqstan oblysynda da 46 adamnyń kókjótel juqtyrǵany anyqtaldy. Deni bala. Mamandardyń aitýynsha, olardyń 95 paiyzy juqpaly dertke qarsy ekpe saldyrmaǵan. Bul dert ásirese, jańa týǵan náresteler úshin óte qaýipti dep otyr. Óńirde byltyr kókjótelmen aýyrǵan adam tirkelmegen.
