فوتو: gemotest.ru
الماتىدا كٶكجٶتەل جۇقتىرعاندار كٶبەيدٸ, دەپ حابارلايدى "ۇلت اقپارات" قازاقستان ۇلتتىق ارناسىنا سٸلتەمە جاساپ.
بىلتىر 5 جاعداي تٸركەلسە, بيىل بەس ايدىڭ ٶزٸندە 62 بالاعا كٶكجٶتەل تيگەن. ولاردىڭ باسىم بٶلٸگٸ – 14 جاسقا تولماعاندار. بٷلدٸرشٸندەردٸڭ 90 پايىزى – اۋرۋعا قارسى ەكپە الماعان. 16 پايىزعا جۋىعى – ەكپە جاسىنا جەتپەگەن بالا.
جالپى نەرەستەگە 2, 3, 4, 18 اي بولعاندا ۆاكتسينا سالدىرۋعا بولادى. مامانداردىڭ ايتۋىنشا, العاشىندا ناۋقاستا قاراپايىم سۋىق تييۋدٸڭ بەلگٸلەرٸ بولادى. كەيٸن جٶتەل دەندەپ, بالانىڭ دەنە قىزۋى كٶتەرٸلەدٸ. ونىڭ الدىن الۋ جولى – ۋاقىتىندا ەكپە ەگۋ, - دەيدٸ دەرٸگەرلەر.
الماش احمەتوۆا, قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ بٶلٸم باسشىسى:
كٶكجٶتەل جۇقپالى بولىپ تابىلادى. ناۋقاس جٶتەلگەندە, سٶيلەگەندە, تٷشكٸرگەندە قاسىنداعى ادامدارعا جۇعادى. قانداي دا بٸر بەلگٸلەرٸ بولسا ٶزٸن ٶزٸ ەمدەۋمەن اينالىسپاي, دەر كەزٸندە تۇرعىلىقتى جەردەگٸ ەمحانالاردا مەديتسينالىق قىزمەتكەرلەرگە قارالىپ, ولاردىڭ ۇسىنعان ەمٸن قابىلداۋ قاجەت, سونىمەن قاتار, اۋىرعان بالالار بولسا كٶپشٸلٸك باراتىن ورىنداۋعا اپارماۋىن سۇرايمىز.
سولتٷستٸك قازاقستان وبلىسىندا دا 46 ادامنىڭ كٶكجٶتەل جۇقتىرعانى انىقتالدى. دەنٸ بالا. مامانداردىڭ ايتۋىنشا, ولاردىڭ 95 پايىزى جۇقپالى دەرتكە قارسى ەكپە سالدىرماعان. بۇل دەرت ەسٸرەسە, جاڭا تۋعان نەرەستەلەر ٷشٸن ٶتە قاۋٸپتٸ دەپ وتىر. ٶڭٸردە بىلتىر كٶكجٶتەلمەن اۋىرعان ادام تٸركەلمەگەن.
