«Kókjailaý» taý shańǵysy kýrorty jobasyn qarjylandyrý barysynda zań buzýshylyqtar anyqtaldy. Bul týraly QR Qarjy ministrligi Ishki memlekettik aýdit komiteti tóraǵasynyń orynbasary Erjan Myńjasarov aitty, dep habarlaidy "Ult aqparat".
«Qysta «Kókjailaý» kýrorty qurylysyna jumsalǵan barlyq qarajatty tekserý týraly tapsyrma tústi. Ókinishke orai, qysqy ýaqytta taýly aimaqqa baryp, baqylaý sharalaryn júrgizýge múmkindik bolmady. Meniń bilýimshe, bul tekserý qolaily jaǵdai týyndaǵannan keiin júrgizildi. Tiisti aýditorlyq sharalar zańnamany buzýdyń jekelegen faktilerin anyqtady. Materialdar quqyq qorǵaý organdaryna, naqty aitqanda Sybailas jemqorlyqqa qarsy is-qimyl agenttiginiń Almaty qalalyq departamentine protsessýaldyq sheshim qabyldaý úshin berildi», - dedi Erjan Myńjasarov Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Esterińizge sala ketsek, 2019 jyldyń 3 sáýirinde Ile Alataýy ulttyq parki aýmaǵyndaǵy 5 jer ýchaskesi jalǵa berý úshin tenderge qoiylǵany belgili boldy. Bul jobaǵa qoǵam tarapynan narazylyq týyndap, keiinnen Memleket basshysy Qasym-Jomart Toqaev Kókjailaý taý shańǵysy kýrorty jobasymen ainalysýǵa tyiym salǵan edi.
