«كٶكجايلاۋ» تاۋ شاڭعىسى كۋرورتى جوباسىن قارجىلاندىرۋ بارىسىندا زاڭ بۇزۋشىلىقتار انىقتالدى. بۇل تۋرالى قر قارجى مينيسترلٸگٸ ٸشكٸ مەملەكەتتٸك اۋديت كوميتەتٸ تٶراعاسىنىڭ ورىنباسارى ەرجان مىڭجاساروۆ ايتتى, دەپ حابارلايدى "ۇلت اقپارات".
«قىستا «كٶكجايلاۋ» كۋرورتى قۇرىلىسىنا جۇمسالعان بارلىق قاراجاتتى تەكسەرۋ تۋرالى تاپسىرما تٷستٸ. ٶكٸنٸشكە وراي, قىسقى ۋاقىتتا تاۋلى ايماققا بارىپ, باقىلاۋ شارالارىن جٷرگٸزۋگە مٷمكٸندٸك بولمادى. مەنٸڭ بٸلۋٸمشە, بۇل تەكسەرۋ قولايلى جاعداي تۋىنداعاننان كەيٸن جٷرگٸزٸلدٸ. تيٸستٸ اۋديتورلىق شارالار زاڭنامانى بۇزۋدىڭ جەكەلەگەن فاكتٸلەرٸن انىقتادى. ماتەريالدار قۇقىق قورعاۋ ورگاندارىنا, ناقتى ايتقاندا سىبايلاس جەمقورلىققا قارسى ٸس-قيمىل اگەنتتٸگٸنٸڭ الماتى قالالىق دەپارتامەنتٸنە پروتسەسسۋالدىق شەشٸم قابىلداۋ ٷشٸن بەرٸلدٸ», - دەدٸ ەرجان مىڭجاساروۆ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا باق ٶكٸلدەرٸنٸڭ ساۋالىنا وراي.
ەستەرٸڭٸزگە سالا كەتسەك, 2019 جىلدىڭ 3 سەۋٸرٸندە ٸلە الاتاۋى ۇلتتىق پاركٸ اۋماعىنداعى 5 جەر ۋچاسكەسٸ جالعا بەرۋ ٷشٸن تەندەرگە قويىلعانى بەلگٸلٸ بولدى. بۇل جوباعا قوعام تاراپىنان نارازىلىق تۋىنداپ, كەيٸننەن مەملەكەت باسشىسى قاسىم-جومارت توقاەۆ كٶكجايلاۋ تاۋ شاڭعىسى كۋرورتى جوباسىمەن اينالىسۋعا تىيىم سالعان ەدٸ.
