Qutqarýshylar taýǵa serýenge baryp, aiaǵyn syndyryp alǵan jigitti tómenge evakýatsiialady, dep habarlaidy "Ult aqparat".
QR IIM TJK respýblikalyq jedel qutqarý jasaǵy ótken demalysta qutqarý operatsiiasyn júrgizdi.
«2021 jyldyń 3 qańtar kúni, saǵat 15.40-ta QR TJM RJQJ kezekshi-dispetcherlik bólimine, 1997 jyly týǵan er adamnyń aiaǵyn syndyryp alyp, ózdigimen qozǵala almaityny týraly habarlama kelip tústi. 8 adammen onyń ishinde 1 kinologiialyq esepten turatyn qutqarý toby jáne jedel – járdem kóligi oqiǵa ornyna birden attandy. Jolda jedel top jábirlenýshiniń dostarymen habarlasyp, olardyń naqty qaida ekenin anyqtady.Qutqarýshylar zardap shegýshiniń dostarymen úzbei bailanys ornata otyryp, olardyń jaǵdailaryn bilip, oryndarynan qozǵalmaýlaryna keńes berdi»,- dep habarlady baspasóz qyzmetinen.
Belgili bolǵanyndai dostar taýdan tómen syrǵanaǵan 24 jastaǵy er adam qatty jyldamdyqpen tómen syrǵanap kele jatyp tasqa soǵylǵan, saldarynan sol aiaǵyn syndyryp alǵan.
Qutqarýshylar oqiǵa ornyna der kezinde jetip dárigerge deiingi alǵashqy kómek kórsetti, jaraqat alǵan jigitke jyly kiim kigizip, aiaǵyn tańyp tasymaldaýdy bastady.
«Zardap shekken adamdy tasymaldaý, soqpaqtyń muzdy - syrǵanaq bolýymen kúrdelene tústi. Soǵan qaramastan ony shatqal avtokólik turaǵyna jaqyn ornalasqan, shlagbaýmynyń janynda kútip turǵan Apat meditsina ortalyǵy brigadasyna tapsyrdyq»,- dedi Respýblikalyq jedel qutqarý jasaǵynyń mamandary.
