قۇتقارۋشىلار تاۋعا سەرۋەنگە بارىپ, اياعىن سىندىرىپ العان جٸگٸتتٸ تٶمەنگە ەۆاكۋاتسييالادى, دەپ حابارلايدى "ۇلت اقپارات".
قر ٸٸم تجك رەسپۋبليكالىق جەدەل قۇتقارۋ جاساعى ٶتكەن دەمالىستا قۇتقارۋ وپەراتسيياسىن جٷرگٸزدٸ.
«2021 جىلدىڭ 3 قاڭتار كٷنٸ, ساعات 15.40-تا قر تجم رجقج كەزەكشٸ-ديسپەتچەرلٸك بٶلٸمٸنە, 1997 جىلى تۋعان ەر ادامنىڭ اياعىن سىندىرىپ الىپ, ٶزدٸگٸمەن قوزعالا المايتىنى تۋرالى حابارلاما كەلٸپ تٷستٸ. 8 اداممەن ونىڭ ٸشٸندە 1 كينولوگييالىق ەسەپتەن تۇراتىن قۇتقارۋ توبى جەنە جەدەل – جەردەم كٶلٸگٸ وقيعا ورنىنا بٸردەن اتتاندى. جولدا جەدەل توپ جەبٸرلەنۋشٸنٸڭ دوستارىمەن حابارلاسىپ, ولاردىڭ ناقتى قايدا ەكەنٸن انىقتادى.قۇتقارۋشىلار زارداپ شەگۋشٸنٸڭ دوستارىمەن ٷزبەي بايلانىس ورناتا وتىرىپ, ولاردىڭ جاعدايلارىن بٸلٸپ, ورىندارىنان قوزعالماۋلارىنا كەڭەس بەردٸ»,- دەپ حابارلادى باسپاسٶز قىزمەتٸنەن.
بەلگٸلٸ بولعانىنداي دوستار تاۋدان تٶمەن سىرعاناعان 24 جاستاعى ەر ادام قاتتى جىلدامدىقپەن تٶمەن سىرعاناپ كەلە جاتىپ تاسقا سوعىلعان, سالدارىنان سول اياعىن سىندىرىپ العان.
قۇتقارۋشىلار وقيعا ورنىنا دەر كەزٸندە جەتٸپ دەرٸگەرگە دەيٸنگٸ العاشقى كٶمەك كٶرسەتتٸ, جاراقات العان جٸگٸتكە جىلى كيٸم كيگٸزٸپ, اياعىن تاڭىپ تاسىمالداۋدى باستادى.
«زارداپ شەككەن ادامدى تاسىمالداۋ, سوقپاقتىڭ مۇزدى - سىرعاناق بولۋىمەن كٷردەلەنە تٷستٸ. سوعان قاراماستان ونى شاتقال اۆتوكٶلٸك تۇراعىنا جاقىن ورنالاسقان, شلاگباۋمىنىڭ جانىندا كٷتٸپ تۇرعان اپات مەديتسينا ورتالىعى بريگاداسىنا تاپسىردىق»,- دەدٸ رەسپۋبليكالىق جەدەل قۇتقارۋ جاساعىنىڭ ماماندارى.
