Foto:gov.kz
14 aqpanda ótken Májilis otyrysynda depýtat Ulyqbek Tumashinov elimizdiń kóptegen aimaqtarda tasqyn júrý qaýpi bar ekenin aityp, Úkimetti shuǵyl sharalarǵa daiyndalý kerektigin eskertti dep habarlaidy «Ult aqparat».
«Biyl Qazaqstan aimaqtarynda erekshe klimattyq aýytqý bolyp tur. Bir jerde qar aptalap jaýyp tursa, sodan qashyq emes jerlerde tasqyn bolyp jatyr.
Jyl saiyn bolatyn sý tasqyndary azamattarymyzdyń ómiri men múlkine qaýip tóndirip qana qoimai, otandastarymyzdyń moraldyq-psihologiialyq deńgeiine de keri áser etýde!
Ótken jyly kóktem kezinde Aqtóbe, Atyraý oblystarynda tasqyn bolyp, bizdiń sailaýshylardyń ábigerin shyǵarǵan bolatyn.
«AMANAT» partiiasy zardap shekken turǵyndarǵa qurylys materialdarymen kómek kórsetti!
Adamgershilikpen ózara kómektesý árbir azamattyń paryzy dep bilemiz.
Biyl sý kóshkini Shyǵys Qazaqstan oblysy, Ortalyq Qazaqstan, Aqtóbe oblystarynda bolýy yqtimal.
Elimizdiń azamattary taǵy da qiyn-qystaý jaǵdaida qalmaýy kerek», -deidi U. Tumashinov.
«AMANAT» Fraktsiiasy atynan depýtat sý tasqynyna qarsy kelesi sharalardy Úkimet shuǵyl qabyldaýy qajet dep esepteidi:
1. Elimizdiń barlyq aýmaǵynda Sý tasqyny qaýpi bar jerlerdiń kartasyn jasaý.
2. Halyqqa tasqyn, sel qaýpi jóninde der kezinde habar berý júiesin tekserý.
3. Tótenshe jaǵdaidar ministrliginiń qutqarý qyzmetteriniń azamattardy der kezinde qaýipti jerlerden alyp shyǵý qabiletin qazirden tekserý.
4. Sý tasqyny qaýpi bar jerlerdiń barlyǵynda tasqynnan qorǵaityn qorǵaityn dambalar, kontrregýliatorlar, sý ótetin ótkelder salý asa mańyzdy.
«Eń bastysy, kóktem kezinde «aiaq astynan» tasqyn bolyp, taǵy da bizdiń azamattar zardap shegip júrmesin»! -dep otyr depýtat Tumashinov.
Eske salsaq, ótken aptada Astanada ótken brifingte Tótenshe jaǵdailar ministrligi ókilderi elimizde 13 oblysty sel basý qaýipi joǵary ekenin habarlaǵan edi.
Mamandardyń sózinshe Aqmola, Aqtóbe, Almaty, Atyraý, Shyǵys Qazaqstan, Batys Qazaqstan, Qaraǵandy, Qostanai, Soltústik Qazaqstan, Túrkistan, Abai jáne Ulytaý oblystarynda aldyn ala boldjamǵa sáikes sel júrý qaýipi joǵary eken. Al ortasha qaýipke ilinip otyrǵan aimaqtar: Jambyl, Jetisý jáne Pavlodar oblysy. Sel júrý qaýipi eń tómen bolyp Mańǵystaý jáne Qyzylorda oblystary esepteledi.
«Ótken jyldyń sońynda, iaǵni jeltoqsan aiynda kóp jańbyr jaýyp, qar jóndi jaýmady. Qazir sol sýdyń bári jerge sińdi. Sondyqtan aiaq asty sel júrý qaýipi kútilip otyr. Aqpan aiynyń aiaǵynda Ońtústik óńirlerde, al naýryzdyń basynda Soltústik óńirlerde sel kútilýde», -degen bolatyn Tótenshe jaǵdailar ministri Shyńǵys Arynov.
