Kóktemgi egistik jumystaryn sapaly ári ýaqyty ótkizý úshin Respýblikalyq jedel shtab quryldy. Bul týraly QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Biyl kóktemgi egis jumystaryn ýaqytyly jáne sapaly júrgizý boiynsha Memleket basshysynyń tapsyrmasyn oryndaý maqsatynda Aýyl sharýashylyǵy ministrligi birneshe ret oblys ákimdikterimen keńester ótkizdi. Onyń ishinde Memleket basshysynyń kóktemgi egisti ótkizýge aýyl sharýashylyǵy taýaryn óndirýshilerdiń daiyndyǵyn qaita tekserý qajettiligi týraly tapsyrmasynan keiin óńirlermen fermerlerdiń tikelei qatysýymen keńes ótkizildi. Árine, problemalar bar, bul eń aldymen álemdegi oqiǵalarǵa bailanysty. Sonymen qatar, ákimdikter men fermerler egis naýqanyn ótkizýge daiyndyǵyn rastady», - dedi ministr ortalyq kommýnikatsiialar qyzmetindegi baspasóz máslihatynda.
Erbol Qarashókeevtiń atap ótýinshe, egis jumystaryn júrgizýge, aýyl sharýashylyǵy taýarlaryn óndirýshilerdi tuqymmen, agrohimiiamen, tehnikamen qamtamasyz etýge, qarjylandyrýǵa bailanysty barlyq máselelerdi úilestirý maqsatynda respýblikalyq jedel shtab quryldy.
Onyń quramyna barlyq múddeli organdar men uiymdar, sondai-aq oblystar ákimderiniń orynbasarlary kirdi.
«Egis naýqanyn júrgizý úshin aýyl sharýashylyǵy qurylymdarynda 144 myńnan astam traktor, 4,7 myń birlik ónimdiligi joǵary egis keshenderi, 77 myń tuqym sepkish, 221 myń topyraq óńdeý quraldary bar. Bir mezgilde birneshe tehnologiialyq operatsiialardy oryndaityn qazirgi zamanǵy egis keshenderin paidalaný dándi daqyldar alańdarynyń 70 paiyzyn sebýdi júzege asyrýǵa múmkindik beredi. Atalǵan tehnikanyń daiyndyǵy búginde shamamen 98 paiyzdy quraidy. Egis jumystaryn jappai júrgizýdi bastaýǵa daiyndyq 100 paiyzǵa qamtamasyz etiledi», - dedi Erbol Qarashókeev.
