كٶكتەمگٸ ەگٸستٸك جۇمىستارىن ساپالى ەرٸ ۋاقىتى ٶتكٸزۋ ٷشٸن رەسپۋبليكالىق جەدەل شتاب قۇرىلدى. بۇل تۋرالى قر اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات.
«بيىل كٶكتەمگٸ ەگٸس جۇمىستارىن ۋاقىتىلى جەنە ساپالى جٷرگٸزۋ بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا اۋىل شارۋاشىلىعى مينيسترلٸگٸ بٸرنەشە رەت وبلىس ەكٸمدٸكتەرٸمەن كەڭەستەر ٶتكٸزدٸ. ونىڭ ٸشٸندە مەملەكەت باسشىسىنىڭ كٶكتەمگٸ ەگٸستٸ ٶتكٸزۋگە اۋىل شارۋاشىلىعى تاۋارىن ٶندٸرۋشٸلەردٸڭ دايىندىعىن قايتا تەكسەرۋ قاجەتتٸلٸگٸ تۋرالى تاپسىرماسىنان كەيٸن ٶڭٸرلەرمەن فەرمەرلەردٸڭ تٸكەلەي قاتىسۋىمەن كەڭەس ٶتكٸزٸلدٸ. ەرينە, پروبلەمالار بار, بۇل ەڭ الدىمەن ەلەمدەگٸ وقيعالارعا بايلانىستى. سونىمەن قاتار, ەكٸمدٸكتەر مەن فەرمەرلەر ەگٸس ناۋقانىن ٶتكٸزۋگە دايىندىعىن راستادى», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ەربول قاراشٶكەەۆتٸڭ اتاپ ٶتۋٸنشە, ەگٸس جۇمىستارىن جٷرگٸزۋگە, اۋىل شارۋاشىلىعى تاۋارلارىن ٶندٸرۋشٸلەردٸ تۇقىممەن, اگروحيمييامەن, تەحنيكامەن قامتاماسىز ەتۋگە, قارجىلاندىرۋعا بايلانىستى بارلىق مەسەلەلەردٸ ٷيلەستٸرۋ ماقساتىندا رەسپۋبليكالىق جەدەل شتاب قۇرىلدى.
ونىڭ قۇرامىنا بارلىق مٷددەلٸ ورگاندار مەن ۇيىمدار, سونداي-اق وبلىستار ەكٸمدەرٸنٸڭ ورىنباسارلارى كٸردٸ.
«ەگٸس ناۋقانىن جٷرگٸزۋ ٷشٸن اۋىل شارۋاشىلىعى قۇرىلىمدارىندا 144 مىڭنان استام تراكتور, 4,7 مىڭ بٸرلٸك ٶنٸمدٸلٸگٸ جوعارى ەگٸس كەشەندەرٸ, 77 مىڭ تۇقىم سەپكٸش, 221 مىڭ توپىراق ٶڭدەۋ قۇرالدارى بار. بٸر مەزگٸلدە بٸرنەشە تەحنولوگييالىق وپەراتسييالاردى ورىندايتىن قازٸرگٸ زامانعى ەگٸس كەشەندەرٸن پايدالانۋ دەندٸ داقىلدار الاڭدارىنىڭ 70 پايىزىن سەبۋدٸ جٷزەگە اسىرۋعا مٷمكٸندٸك بەرەدٸ. اتالعان تەحنيكانىڭ دايىندىعى بٷگٸندە شامامەن 98 پايىزدى قۇرايدى. ەگٸس جۇمىستارىن جاپپاي جٷرگٸزۋدٸ باستاۋعا دايىندىق 100 پايىزعا قامتاماسىز ەتٸلەدٸ», - دەدٸ ەربول قاراشٶكەەۆ.
