«Qazgidromet» RMK 4 jeltoqsanǵa arnalǵan aýa raiy boljamyn usynady, dep habarlaidy "Ult aqparat".
Sársenbide Qazaqstan territoriiasynyń basym bóliginde aýa aǵyndarynyń ótýine bailanysty qubylmaly aýa raiy saqtalady, kei jerlerde jańbyr jáne qar jaýady. Tek respýblikanyń ońtústik-shyǵysy antitsiklonnyń yqpalynda bolǵandyqtan jaýyn-shashynsyz. Respýblikanyń kei jerlerinde – tuman, kóktaiǵaq, jaiaý burqasyn, jeldiń kúsheiýi saqtalady.
Shyǵys Qazaqstan oblysynyń kei jerlerinde jaiaý burqasyn bolyp, tuman túsedi, jeldiń kúshi 15-20, Jarma aýdanynda kúndiz – kóktaiǵaq, jeldiń ekpini 25 m/s jetedi.
Aqmola, Atyraý, Batys Qazaqstan, Aktóbe oblystarynyń kei jerlerinde tuman, kóktaiǵaq, jaiaý burqasyn kútiledi, Aqmola oblysynyń kúndiz kei jerlerinde jel 15-20 m/s kúsheiedi.
Soltústik Qazaqstan, Pavlodar, Qaraǵandy oblystarynyń kei jerlerinde tuman, kóktaiǵaq bolady.
Almaty oblysynyń Jalańashkól aýdanynda jeldiń jyldamdyǵy 17-22 m/s jetedi, túnde kei jerlerinde tuman kútiledi.
Jambyl oblysynyń kei jerlerinde tuman túsip, kúndiz jel 15-20 m/s kúsheiedi.
Qyzylorda oblysynyń kei jerlerinde tuman, tańerteń jáne kúndiz kóktaiǵaq bolýy yqtimal. Qostanai oblysynyń kei jerlerinde tuman túsip, kúndiz jaiaý burqasyn bolady.
Túrkistan, Mańǵystaý oblystarynyń kei jerlerinde tuman túsedi.
