Kókshetaýda gaz ballony jarylyp zardap shekken alty balanyń, úsheýi jansaqtaý bólimshesinde jatyr, dep habarlaidy Aqmola oblystyq densaýlyq saqtaý basqarmasy.
Vedomstvonyń málimetinshe, zardap shekkender 2004, 2006, 2007, 2010, 2011, 2013 jylǵy balalar, sondai - aq, 1976 jáne 1980 jylǵy eresekter.
«Alty balanyń 16 ,14 jáne 7 jastaǵy úsheýi jansaqtaý bólimshesinde jatyr. Olardyń denesiniń kúiik shalý deńgeii 50, 40 jáne 25 paiyzy», - dep aitty vedomstvonyń baspasóz qyzmeti QazAqparat tilshisiniń saýalyna.
Aita keteiik, 20 jeltoqsan saǵat 21:14 shamasynda Vasilkovska shaǵynaýdanyndaǵy kópqabatty turǵyn úidiń birinshi qabatytndaǵy páterde gaz ballony jarylǵan bolatyn. Odan segiz adam zardap shegip, (onyń altaýy bala) aýrýhanaǵa jatqyzyldy.
