Kókshetaýda er adam qonaq úidiń joǵary qabatynan sekirip kóz jumdy, dep habarlaidy QazAqparat.
Aqmola oblysy Politsiia departamenti baspasóz qyzmetiniń málimetinshe, aǵymdaǵy jyldyń 18-shi qazanynda Kókshetaý qalalyq politsiia basqarmasynyń kezekshi bólimine jedel járdem kóliginde 35 jastaǵy er adamnyń qaitys bolǵany týraly habar tústi.
«Tekserý barysynda politsiia qyzmetkerleri qazannyń 18-de saǵat 18:40-ta oblys ortalyǵyndaǵy qonaq úi keshenderiniń birinde nómir jaldaǵan er adamnyń meiramhanaǵa barǵannan keiin óz bólmesine kóterilip, terezeden keshenniń aýlasyna sekirgenin anyqtady. Saldarynan er adam jedel járdem kóliginde kóz jumdy. Er adam Reseidiń Omby qalasynyń turǵyny bolyp shyqty», - dep túsindirdi vedomstvodan.
Kókshetaý qalalyq politsiia basqarmasynyń tergeý bólimi qonaq úi turǵynynyń ólimine bailanysty Qylmystyq kodekstiń 105-shi babynyń 1-bóligi «óz-ózine qol jumsaýǵa jetkizý» boiynsha sotqa deiingi is júrgizýdi bastady. Sot-meditsinalyq saraptama taǵaiyndaldy. Tergeý amaldary júrgizilip jatyr.
