كٶكشەتاۋدا ەر ادام قوناق ٷيدٸڭ جوعارى قاباتىنان سەكٸرٸپ كٶز جۇمدى, دەپ حابارلايدى قازاقپارات.
اقمولا وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, اعىمداعى جىلدىڭ 18-شٸ قازانىندا كٶكشەتاۋ قالالىق پوليتسييا باسقارماسىنىڭ كەزەكشٸ بٶلٸمٸنە جەدەل جەردەم كٶلٸگٸندە 35 جاستاعى ەر ادامنىڭ قايتىس بولعانى تۋرالى حابار تٷستٸ.
«تەكسەرۋ بارىسىندا پوليتسييا قىزمەتكەرلەرٸ قازاننىڭ 18-دە ساعات 18:40-تا وبلىس ورتالىعىنداعى قوناق ٷي كەشەندەرٸنٸڭ بٸرٸندە نٶمٸر جالداعان ەر ادامنىڭ مەيرامحاناعا بارعاننان كەيٸن ٶز بٶلمەسٸنە كٶتەرٸلٸپ, تەرەزەدەن كەشەننٸڭ اۋلاسىنا سەكٸرگەنٸن انىقتادى. سالدارىنان ەر ادام جەدەل جەردەم كٶلٸگٸندە كٶز جۇمدى. ەر ادام رەسەيدٸڭ ومبى قالاسىنىڭ تۇرعىنى بولىپ شىقتى», - دەپ تٷسٸندٸردٸ ۆەدومستۆودان.
كٶكشەتاۋ قالالىق پوليتسييا باسقارماسىنىڭ تەرگەۋ بٶلٸمٸ قوناق ٷي تۇرعىنىنىڭ ٶلٸمٸنە بايلانىستى قىلمىستىق كودەكستٸڭ 105-شٸ بابىنىڭ 1-بٶلٸگٸ «ٶز-ٶزٸنە قول جۇمساۋعا جەتكٸزۋ» بويىنشا سوتقا دەيٸنگٸ ٸس جٷرگٸزۋدٸ باستادى. سوت-مەديتسينالىق ساراپتاما تاعايىندالدى. تەرگەۋ امالدارى جٷرگٸزٸلٸپ جاتىر.
