Kókshetaýda muǵalim joǵalyp ketti

Kókshetaýda iz-túzsiz joǵalyp ketken muǵalim izdestirilýde, dep habarlaidy "Ult aqparat" Politsiia departamentine silteme jasap.

Vedomstvonyń málimetinshe, Kókshetaý qalalyq PB kezekshilik bólimine SQO aýyldarynyń biriniń 53 jastaǵy turǵyny habarlasyp, 1989 jyly týǵan uly Baqtiiar Talǵatuly Temirjanovtyń habarsyz ketkenin aitqan. Ótinish iesiniń aitýynsha, uly 7 mamyrda saǵat 08:00 Kókshetaý qalasyndaǵy úiinen shyǵyp sodan habarsyz ketken.

Belgili bolǵandai, joǵalǵan adam dene shynyqtyrý pániniń muǵalimi.

Joǵalǵan adamnyń belgiler: boiy 175-180 sm, dene bitimi juqalaý kelgen, shashy qara, qysqa qiylǵan, qulaqtary ortasha, kózderi qysyńqy, qońyr tústi.

Ústine sur djinsy, qara kók kýrtka, aiaqtarynda qońyr tústi aiaq kiim kigen.

Erekshe belgiler: astyńǵy erniniń tómengi jaǵynda meńi bar.

«Er adamnyń turǵan jerin anyqtaý maqsatynda tártip saqshylary jedel-izdestirý is-sharalaryn júrgizdi, onyń barysynda barlyq tanys jáne jaqyn adamdardan jaýap alyndy. Barlyq kameralar qaraldy, biraq er adamnyń ornalasqan jerin tabý múmkin bolmady», - dedi vedomstvodan.

Osy rette, politsiia qyzmetkerleri Baqtiiar Talǵatuly Temirjanovtyń turǵan jerin biletin nemese onyń joǵalýyna qatysty qandai da bir aqparatqa ie adamdar bolsa «102» arnaiy jelisine nemese 29-96-00 telefon nómirine qońyraý shalýdy suraidy.