Kókshetaýda qaraýsyz qalǵan úidiń ishinen 3 jasar bala tabylyp, ájesine qaitaryldy, dep habarlaidy "Ult aqparat" Polisia.kz silteme jasap.
Aqmola oblysynda jazǵy maýsymda sýǵa shomylý kezinde oryn alatyn qaiǵyly jaǵdailardy aldyn alý boiynsha qaýipsizdik sharalaryn túsindirý reidteri ótkizilýde. Oblys ortalyǵynda júrgizilgen osyndai reid barysynda Kókshetaý qalasynyń qutqarý bólimshesiniń basshysy Roman Shevchenko jáne bas qutqarýshysy Erlan Japarov Qopa kóliniń jaǵasyna jaqyn mańdaǵy Naberejnyi kóshesiniń boiynda qaraýsyz qalǵan turǵyn úidiń ishinen 2017 jylǵy ul balany tapqan. Bala esimin jáne úiiniń meken-jaiyn bilmegen.
«Qutqarýshylar balanyń ata – anasy men turatyn úi anyqtaý úshin sol mańdaǵy úilerdiń aýlalaryn aralyp shyqty. Nátijesinde balanyń ájesi tabyldy. Bastapqyda balany urlady dep aiǵaiǵa basqan ájesi keiin jaǵdaidy surastyra kele, nemeresin úiine jetkizgen qutqarýshylarǵa alǵysyn aitty. Ájesiniń aitýynsha, balanyń anasy azyq-túlik alý úshin dúkenge ketken, al ájesi oinap júrgen balanyń aýladan qalai shyǵyp ketkenin baiqamai qalǵan», - dep jazady Polisia.kz.
Osy rette, tártip saqshylary, turǵyndarǵa balalardy jalǵyz qaldyrmaýǵa jáne olarǵa qaýipsizdik negizderin úiretýge shaqyrady.
