كٶكشەتاۋدا قاراۋسىز قالعان ٷيدٸڭ ٸشٸنەن 3 جاسار بالا تابىلىپ, ەجەسٸنە قايتارىلدى, دەپ حابارلايدى "ۇلت اقپارات" Polisia.kz سٸلتەمە جاساپ.
اقمولا وبلىسىندا جازعى ماۋسىمدا سۋعا شومىلۋ كەزٸندە ورىن الاتىن قايعىلى جاعدايلاردى الدىن الۋ بويىنشا قاۋٸپسٸزدٸك شارالارىن تٷسٸندٸرۋ رەيدتەرٸ ٶتكٸزٸلۋدە. وبلىس ورتالىعىندا جٷرگٸزٸلگەن وسىنداي رەيد بارىسىندا كٶكشەتاۋ قالاسىنىڭ قۇتقارۋ بٶلٸمشەسٸنٸڭ باسشىسى رومان شەۆچەنكو جەنە باس قۇتقارۋشىسى ەرلان جاپاروۆ قوپا كٶلٸنٸڭ جاعاسىنا جاقىن ماڭداعى نابەرەجنىي كٶشەسٸنٸڭ بويىندا قاراۋسىز قالعان تۇرعىن ٷيدٸڭ ٸشٸنەن 2017 جىلعى ۇل بالانى تاپقان. بالا ەسٸمٸن جەنە ٷيٸنٸڭ مەكەن-جايىن بٸلمەگەن.
«قۇتقارۋشىلار بالانىڭ اتا – اناسى مەن تۇراتىن ٷي انىقتاۋ ٷشٸن سول ماڭداعى ٷيلەردٸڭ اۋلالارىن ارالىپ شىقتى. نەتيجەسٸندە بالانىڭ ەجەسٸ تابىلدى. باستاپقىدا بالانى ۇرلادى دەپ ايعايعا باسقان ەجەسٸ كەيٸن جاعدايدى سۇراستىرا كەلە, نەمەرەسٸن ٷيٸنە جەتكٸزگەن قۇتقارۋشىلارعا العىسىن ايتتى. ەجەسٸنٸڭ ايتۋىنشا, بالانىڭ اناسى ازىق-تٷلٸك الۋ ٷشٸن دٷكەنگە كەتكەن, ال ەجەسٸ ويناپ جٷرگەن بالانىڭ اۋلادان قالاي شىعىپ كەتكەنٸن بايقاماي قالعان», - دەپ جازادى Polisia.kz.
وسى رەتتە, تەرتٸپ ساقشىلارى, تۇرعىندارعا بالالاردى جالعىز قالدىرماۋعا جەنە ولارعا قاۋٸپسٸزدٸك نەگٸزدەرٸن ٷيرەتۋگە شاقىرادى.
