قازاقستاندا ەلەۋمەتتٸك قولداۋ جٷيەسٸ ٶزگەرٸپ, كٶمەك ازاماتتاردىڭ تابىسى مەن ناقتى قاجەتتٸلٸگٸنە قاراي كٶرسەتٸلەدٸ. پرەمەر-مينيستر ولجاس بەكتەنوۆ اۋقاتتى ازاماتتار مەملەكەت كٶمەگٸنە سٷيەنبەي, ٶز كٷشٸنە سەنۋٸ كەرەك ەكەنٸن ايتتى, دەپ حابارلايدى ult.kz.
ٷكٸمەت باسشىسىنىڭ ايتۋىنشا, ەلەۋمەتتٸك قامسىزداندىرۋ جٷيەسٸن رەفورمالاۋ جۇمىسى جالعاسىپ جاتىر. جاڭا قاعيدات 2027 جىلعى 1 قاڭتاردان باستاپ تولىق قولدانىسقا ەنگٸزٸلمەك.
«كٶپبالالى وتباسىلاردىڭ تابىسى جوعارى نەمەسە تٶمەن ەكەنٸنە قاراماستان, ولاردىڭ بارلىعى مەملەكەتتەن بٸردەي قولداۋ الىپ وتىر. بٸزدٸڭ ويىمىزشا, بۇل – ەدٸلەتتٸ ەمەس. ٶزٸن-ٶزٸ قامتاماسىز ەتۋگە مٷمكٸندٸگٸ بار اۋقاتتى ازاماتتار مەملەكەت كٶمەگٸنە سٷيەنبەي, ٶز كٷشٸنە سەنۋٸ كەرەك. مەملەكەت تەك ٶمٸرلٸك جاعدايىنا بايلانىستى ٶز كٷنٸن ٶزٸ قامتاماسىز ەتە المايتىن ازاماتتارعا قولداۋ كٶرسەتەدٸ», – دەدٸ ولجاس بەكتەنوۆ قۇرىلتاي وتىرىسىندا.
پرەمەر-مينيستر مەملەكەتتٸك كٶمەكتٸڭ ماقساتى ازاماتتاردىڭ تۇراقتى تابىس تاۋىپ, ەكونوميكالىق بەلسەندٸ بولۋىنا ىقپال ەتۋ ەكەنٸن اتاپ ٶتتٸ. ياعني ەلەۋمەتتٸك قولداۋ العان ازاماتتار ۋاقىت ٶتە كەلە ٶزدەرٸن ٶزدەرٸ قامتاماسىز ەتٸپ, كٶمەككە مۇقتاجدار قاتارىنان شىعۋى كەرەك.
ٷكٸمەتتٸڭ مەلٸمەتٸنشە, ەلەۋمەتتٸك قولداۋ جٷيەسٸن ٶزگەرتۋ نەتيجەسٸندە ٷنەمدەلەتٸن 700 ملرد تەڭگە جەنە 2,5 ترلن تەڭگە ەلەۋمەتتٸك ماڭىزى بار باسقا باعىتتارعا, سونىڭ ٸشٸندە ەلەۋمەتتٸك ينفراقۇرىلىمدى جاڭعىرتۋعا جۇمسالادى.
