Aqyn Serikzat Dúisenǵazynyń ákesi Maqsut Dúisenǵazyuly qaitys boldy. Qaraly habardy ol Instagram paraqshasynda jetkizdi, dep habarlaidy ult.kz.

Aqyn ákesinen aiyrylǵanyn aityp, janazaǵa qatysty málimetti keiinirek jariialaitynyn jazdy.

"Búgin asqar taý ákem Maqsut Dúisenǵazyuly Rabbysyna qaitty. Janazasyn qosymsha habarlaimyz", - dep jazdy Serikzat Dúisenǵazy.

Aita keteiik, Serikzat Dúisenǵazy qaitys bolǵan ulynyń ólimine qatysty shyndyqty aitty.

Serikzat Dúisenǵazy kim?

Serikzat Maqsutuly Dúisenǵazy – aitysker aqyn, jazýshy, ádebiettanýshy, filologiia ǵylymdarynyń kandidaty. Ol 1974 jylǵy 8 jeltoqsanda qazirgi Abai oblysy Aiagóz aýdanynyń Tarbaǵatai aýylynda dúniege kelgen. Respýblikalyq aitystarǵa qatysyp, júldeli oryndar ielengen.

1997 jyly ál-Farabi atyndaǵy Qazaq ulttyq ýniversitetiniń filologiia fakýltetin, 1999 jyly ádebiettaný mamandyǵy boiynsha magistratýrasyn bitirgen. Eńbek jolynda QazUÝ-dyń stýdenttik mádeniet uiymdarynda basshylyq qyzmetter atqarǵan. 2002 jyldan bastap L.N. Gýmilev atyndaǵy Eýraziia ulttyq ýniversitetinde ustazdyq etip, ǵylymi jáne shyǵarmashylyq jumystarmen ainalysqan.

Serikzat Dúisenǵazy kópshilikke aitys ónerimen qatar óleńderimen de tanylǵan. Shyǵarmalarynda týǵan jer, ata-ana, adam taǵdyry men ómirdiń qadiri týraly tolǵanady. «Qazaqstannyń eńbek sińirgen qairatkeri» ataǵyna ie.