kórneki sýret
Kókshetaýda monitoringtik top demalys kúnderi karantin talaptaryn buza otyryp, saltanatty is-sharalar ótkizilgenin anyqtady, dep habarlaidy QazAqparat.
Aqmola oblystyq sanitarlyq-epidemiologiialyq baqylaý departamenti baspasóz qyzmetiniń málimetinshe, óńir koronavirýstyń taralý qarqyny boiynsha «qyzyl» aimaqta ornalasqanyna qaramastan, turǵyndar tarapynan karantin rejimin buzý jaǵdailary jiiledi.
«Ótken demalys kúnderi Kókshetaý qalasynda monitoringtik top karantin talaptaryn buza otyryp, tórt saltanatty is-sharanyń ótkizilgenin anyqtady. Onyń ishinde kópshiliktiń qatysýymen ótken bir úilený toiy, eki qyz uzatý jáne bir týǵan kúni merekesi bar. Máselen, «Kókshetaý» qonaq úiinde ótken úilený toiyna 120 adam qatysty. Al «Bala mahabbat» meiramhanasynda 120 qonaqtyń qatysýymen otbasylyq mereke ótkizilse, «Han Saraiy» meiramhanasynda 90 adam jáne «Merýert» meiramhanasynda 120 adamnyń qatysýymen «qyz uzatý» toiy uiymdastyryldy», - dedi vedomstvodan.
Departamenttiń baspasóz qyzmetinen atap ótkendei, karantin talaptaryn buzý boiynsha materialdar Aqmola oblysynyń sanitarlyq-epidemiologiialyq baqylaý departamentine joldandy. Biylǵy jyly monitoringtik toptar karantin talaptaryn saqtaý boiynsha 29 189 nysandy tekserip, onda karantin talaptarynyń 628 ret buzylǵanyn anyqtady.
«Jalpy, uiǵarylǵan sanitarlyq-karantindik erejelerdi saqtamaǵany úshin shaǵyn jáne orta biznes sýbektilerine, sondai – aq jeke tulǵalarǵa qatysty ákimshilik yqpal etý sharalary (650 aiyppul) qoldanylyp, 16 material ákimshilik sottarǵa qaraý úshin joldandy», - dep tolyqtyrdy vedomstvodan.
Eske sala ketsek, Aqmola oblysynyń bas memlekettik dárigeriniń qaýlysyna sáikes saltanatty, estelik, otbasylyq is-sharalar, banketter, úilený toilary, mereitoilar ótkizýge ruqsat etilgen bolatyn. Ruqsat etilgen, biraq belgilengen sanitarlyq erejelerdi qatań saqtai otyryp, kelýshiler Ashyq-te «jasyl» mártebege ie bolýy kerek jáne bólmeniń toltyrylýy 50 paiyzdan nemese 50 orynnan aspaýy tiis.
