Aqmola oblystyq bilim basqarmasy basshysynyń orynbasary Botakóz Dúisenova Kókshetaýda 80 oqýshynyń «infektsiia juqtyrýyna» qatysty málimet berdi, – dep habarlaidy vedomstvonyń baspasóz qyzmeti.
«2019 jylǵy 7 qarashada Kókshetaý qalalyq №2 orta mektep litseiiniń 80 oqýshysy bas aýrýy jáne júrek ainýy shaǵymymen sabaqqa kelmegeni týraly aqparat tústi. Mektepte barlyǵy 2 174 oqýshy oqidy.
Kókshetaý qalalyq bilim bóliminiń málimetine sáikes, aýrýhanaǵa tek bir oqýshy júgingen, dárigerler «Enterovirýsty infektsiia» diagnozyn qoiǵan. Atalǵan derek boiynsha Taýarlar men kórsetiletin qyzmetterdiń sapasy men qaýipsizdigin baqylaý departamentiniń qyzmeti mekteptiń 2-shi aýysym oqýshylaryn tekserip, mektep ashanasynda sý, aýa, shaiyndylar synamasyn aldy. Tekserý nátijeleri qosymsha joldanatyn bolady.
Búgin 2019 jylǵy 8 qarashada mektepte sabaq jalǵasýda, densaýlyq jaǵdaiyn alǵa tartqan balalar meditsinalyq tekserýden keiin oqýyn jalǵastyratyn bolady», – dep túsindirdi QazAqparat tilshisiniń saýalyna Aqmola oblystyq bilim basqarmasy basshysynyń orynbasary Botakóz Dúisenova.
Al, Aqmola oblysy boiynsha taýarlar men kórsetiletin qyzmetterdiń sapasy men qaýipsizdigin baqylaý departamenti bul týraly ázirge eshqandai da málimet bergen joq.
Eske sala keteiik, respýblikalyq BAQ pen áleýmettik jelilerde qarashanyń 7-de Kókshetaýda 80 oqýshynyń belgisiz infektsiia juqtyrǵany týraly aqparat taraǵan edi. Jelide taraǵan málimetterde, oqýshylardyń barlyǵynda bas ainalý, qusý jáne asqazaqn ishek qurylysyń buzylýynyń belgileri baiqalǵan.
