Kókshetaý qalasynda 8 mektep koronovirýske bailanysty karantinge jabyldy, dep habarlaidy "Ult aqparat".
Kókshetaý qalasynyń bas memlekettik sanitarlyq dárigeri Qanat Ysqaqovtyń aitýynsha, epidemiologiialyq jaǵdaidyń turaqsyzdyǵyna bailanysty mektepterde koronavirýs juqtyrýdyń bir jaǵdaiy tirkelse, mekeme eki aptalyq karantinge kóshiriledi.
«Qala mektepterinde koronavirýs infektsiiasynyń taralýyna jol bermeýdiń shralary qolǵa alynýda. Osyndai maqsatta beisenbi-jumada kúnderi qaladaǵy 8 mektep karantinge jabyldy. Bul OM №2, 18, 3, 12, 8, №2 Krasnoiar orta mektebi, «Mega intellectual» jeke mektebi jáne «Bilim-Innovatsiia» litseii», - dep atap ótti Q.Ysqaqov.
Ázirge, Kókshetaý mektepterinde koronavirýs infektsiiasynyń jappaiy taralýy tirkelgen joq. Máselen, №2 Krasnoiar orta mektebiniń tehpersonaly aýyryp qaldy, sáikesinshe, onyń bailanys sheńberi úlken.
«Bilim-Innovatsiia» litseiinde kire beristegi temperatýrany ólshegen vahter juqtyrdy. Iaǵni, mektepke kirgen adamdardyń barlyǵy onymen bailanysta bolǵandar», - dedi Q.Ysqaqov.
Sol sebepti, koronavirýs infektsiiasynyń ár jaǵdaiy egjei-tegjeili qarastyrylady.
«Birden jospardan tys tekseristi qolǵa alyp, barlyǵyn tekserip shyǵamyz. Úshinshi jáne 12-shi kúnderi jaqyn bailanysta bolǵandardan polemarazdy tizbek reaktsiiasy boiynsha test alynady», - dep túiindedi Q.Ysqaqov.
