Kókshetaýda on shaqty er adamnyń tóbelesi videoǵa túsip qaldy, dep habarlaidy "Ult aqparat" Aqmola oblystyq PD baspasóz qyzmetine silteme jasap.
Vedomstvonyń málimetinshe, 2 tamyzda Kókshetaý qalalyq PB JBO beinebaqylaý kezekshi inspektory monitoring kezinde Abai jáne Táshenov kósheleriniń qilysynda 8 er adamnyń tóbelesip jatqanyn kórgen. Oqiǵa ornyna dereý patrýldik politsiia batalonyń qyzmetkerleri men jedel-tergeý toby jiberildi.
Tártip saqshylary anyqtaǵandai, jergilikti bes adam jazǵy dámhanalardyń birinde áýe-desanty áskerleriniń kúnin atap ótken. Otyrys kezinde ózge úsh adammen sózge kelisip qalǵan top syrtqa shyǵyp, máseleni sheshpek bolǵan.
«Tártip saqshylary er adamdardyń buzaqylyq áreketiniń jolyn kesti, tóbeleske qatysýshylardyń barlyǵy Kókshetaý qalalyq PB jetkizildi. Osy jaǵdaiǵa bailanysty QR QK 293 babynyń 2 bóligi «buzaqylyq» boiynsha sotqa deiingi tergeý amaldary júrgizilýde», - deidi vedomstvodan.
Aita keteiik, PD baspasóz qyzmetinen atap ótkendei, jyl basynan beri Aqmola oblysynda beinebaqylaý kamerasy arqyly 150 astam qylmystyń beti ashyldy.
