كٶكشەتاۋدا ون شاقتى ەر ادامنىڭ تٶبەلەسٸ ۆيدەوعا تٷسٸپ قالدى, دەپ حابارلايدى "ۇلت اقپارات" اقمولا وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, 2 تامىزدا كٶكشەتاۋ قالالىق پب جبو بەينەباقىلاۋ كەزەكشٸ ينسپەكتورى مونيتورينگ كەزٸندە اباي جەنە تەشەنوۆ كٶشەلەرٸنٸڭ قيلىسىندا 8 ەر ادامنىڭ تٶبەلەسٸپ جاتقانىن كٶرگەن. وقيعا ورنىنا دەرەۋ پاترۋلدٸك پوليتسييا باتالونىڭ قىزمەتكەرلەرٸ مەن جەدەل-تەرگەۋ توبى جٸبەرٸلدٸ.
تەرتٸپ ساقشىلارى انىقتاعانداي, جەرگٸلٸكتٸ بەس ادام جازعى دەمحانالاردىڭ بٸرٸندە ەۋە-دەسانتى ەسكەرلەرٸنٸڭ كٷنٸن اتاپ ٶتكەن. وتىرىس كەزٸندە ٶزگە ٷش اداممەن سٶزگە كەلٸسٸپ قالعان توپ سىرتقا شىعىپ, مەسەلەنٸ شەشپەك بولعان.
«تەرتٸپ ساقشىلارى ەر ادامداردىڭ بۇزاقىلىق ەرەكەتٸنٸڭ جولىن كەستٸ, تٶبەلەسكە قاتىسۋشىلاردىڭ بارلىعى كٶكشەتاۋ قالالىق پب جەتكٸزٸلدٸ. وسى جاعدايعا بايلانىستى قر قك 293 بابىنىڭ 2 بٶلٸگٸ «بۇزاقىلىق» بويىنشا سوتقا دەيٸنگٸ تەرگەۋ امالدارى جٷرگٸزٸلۋدە», - دەيدٸ ۆەدومستۆودان.
ايتا كەتەيٸك, پد باسپاسٶز قىزمەتٸنەن اتاپ ٶتكەندەي, جىل باسىنان بەرٸ اقمولا وبلىسىندا بەينەباقىلاۋ كامەراسى ارقىلى 150 استام قىلمىستىڭ بەتٸ اشىلدى.
