Kókshetaý qalasy turǵynynyń 40 million teńgesi bar seifin urlaǵan qylmystyq top ustaldy, dep habarlaidy "Ult aqparat".
Politsiia departamenti habarlaǵandai, biylǵy jylǵy 22 qańtarda kókshetaýlyq turǵyn politsiiaǵa aryzdanǵan. Onyń páterine belgisiz bireýler kiltti tańdaý arqyly kirip, 40 million teńge salynǵan seifin alyp ketken.
«Jedel is-sharalar barysynda buryn sottalǵandar arasynda kúdikti adamdar anyqtaldy. 31 qańtarda kúdiktiler ustaldy. Úsh adamnan turatyn qylmystyq topta buryn sottalǵan Kókshetaý qalasynyń eki adam, sondai-aq, kórshi oblystyń bir turǵyny bar. Kúdiktilerden zattai aiǵaqtar retinde 10 million teńge somasynda aqsha alyndy. Urlanǵan aqshanyń qalǵan somasyn anyqtaý boiynsha odan ári jedel tergeý is-sharalary júrgizilýde. Sonymen birge, kúdiktilerdiń osyǵan uqsas ózge de qylmystarǵa qatysy bar-joǵy tekserilip jatyr», - dedi vedomstvodan.
Qazirgi kezde osy qylmysqa bailanysty Qylmystyq kodekstiń 188-babynyń 4-bóligi «urlyq» boiynsha sotqa deiingi is qozǵalyp, tergeý amaldary júrgizilýde.
