كٶكشەتاۋ قالاسى تۇرعىنىنىڭ 40 ميلليون تەڭگەسٸ بار سەيفٸن ۇرلاعان قىلمىستىق توپ ۇستالدى, دەپ حابارلايدى "ۇلت اقپارات".
پوليتسييا دەپارتامەنتٸ حابارلاعانداي, بيىلعى جىلعى 22 قاڭتاردا كٶكشەتاۋلىق تۇرعىن پوليتسيياعا ارىزدانعان. ونىڭ پەتەرٸنە بەلگٸسٸز بٸرەۋلەر كٸلتتٸ تاڭداۋ ارقىلى كٸرٸپ, 40 ميلليون تەڭگە سالىنعان سەيفٸن الىپ كەتكەن.
«جەدەل ٸس-شارالار بارىسىندا بۇرىن سوتتالعاندار اراسىندا كٷدٸكتٸ ادامدار انىقتالدى. 31 قاڭتاردا كٷدٸكتٸلەر ۇستالدى. ٷش ادامنان تۇراتىن قىلمىستىق توپتا بۇرىن سوتتالعان كٶكشەتاۋ قالاسىنىڭ ەكٸ ادام, سونداي-اق, كٶرشٸ وبلىستىڭ بٸر تۇرعىنى بار. كٷدٸكتٸلەردەن زاتتاي ايعاقتار رەتٸندە 10 ميلليون تەڭگە سوماسىندا اقشا الىندى. ۇرلانعان اقشانىڭ قالعان سوماسىن انىقتاۋ بويىنشا ودان ەرٸ جەدەل تەرگەۋ ٸس-شارالارى جٷرگٸزٸلۋدە. سونىمەن بٸرگە, كٷدٸكتٸلەردٸڭ وسىعان ۇقساس ٶزگە دە قىلمىستارعا قاتىسى بار-جوعى تەكسەرٸلٸپ جاتىر», - دەدٸ ۆەدومستۆودان.
قازٸرگٸ كەزدە وسى قىلمىسقا بايلانىستى قىلمىستىق كودەكستٸڭ 188-بابىنىڭ 4-بٶلٸگٸ «ۇرلىق» بويىنشا سوتقا دەيٸنگٸ ٸس قوزعالىپ, تەرگەۋ امالدارى جٷرگٸزٸلۋدە.
