Kókshetaý turǵynynan aqsha bopsalaǵan tórt adamnan turatyn qylmystyq top qolǵa tústi, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 24 naýryzda Kókshetaý qalalyq Politsiia basqarmasynyń kezekshilik bólimine 20 jastaǵy jergilikti turǵyn aryzdanyp, belgisiz bireýlerdiń odan aqsha bopsalaǵanyn aitqan. Qaskúnemder qorqytý jáne kúsh qoldaný arqyly jábirlenýshiden 200 myń teńge talap etken. Ol bul aqshanyń 80 myń teńgesin kúdiktilerge berip qoiǵan.
«Bul oqiǵa Qylmystyq kodekstiń 194-baby 2-bóligi boiynsha sotqa deiingi tergeýdiń biryńǵai tizilimine tirkeldi», - dedi vedomstvodan.
Politsiia qyzmetkerli anyqtaǵandai, kúdiktiler qylmysqa aldyn-ala daiyndalǵan. Tipti, materialdyq shaǵymdy usynýdyń syltaýyn da aldyn-ala oilastyrǵan. Tergeý barysynda barlyq kúdiktiniń aty-jóni anyqtaldy.
«25 naýryzda Aqmola oblysy Politsiia departamenti kriminaldyq politsiia basqarmasynyń jáne Ulttyq qaýipsizdik komiteti departamentiniń qyzmetkerlerimen júrgizilgen jedel-izdestirý sharasynyń nátijesinde Kókshetaý qalasynyń 20-24 jas aralyǵyndaǵy tórt turǵyny ustalyp, sotqa deiingi tergeý amaldary bastaldy. Qazirgi kezde kúdiktilerdiń úsheýi de ýaqytsha ustaý oqshaýlaǵyshyna qamaldy», - dep tolyqtyrdy vedomstvodan.
