كٶكشەتاۋ تۇرعىنىنان اقشا بوپسالاعان تٶرت ادامنان تۇراتىن قىلمىستىق توپ قولعا تٷستٸ, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, 24 ناۋرىزدا كٶكشەتاۋ قالالىق پوليتسييا باسقارماسىنىڭ كەزەكشٸلٸك بٶلٸمٸنە 20 جاستاعى جەرگٸلٸكتٸ تۇرعىن ارىزدانىپ, بەلگٸسٸز بٸرەۋلەردٸڭ ودان اقشا بوپسالاعانىن ايتقان. قاسكٷنەمدەر قورقىتۋ جەنە كٷش قولدانۋ ارقىلى جەبٸرلەنۋشٸدەن 200 مىڭ تەڭگە تالاپ ەتكەن. ول بۇل اقشانىڭ 80 مىڭ تەڭگەسٸن كٷدٸكتٸلەرگە بەرٸپ قويعان.
«بۇل وقيعا قىلمىستىق كودەكستٸڭ 194-بابى 2-بٶلٸگٸ بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلدٸ», - دەدٸ ۆەدومستۆودان.
پوليتسييا قىزمەتكەرلٸ انىقتاعانداي, كٷدٸكتٸلەر قىلمىسقا الدىن-الا دايىندالعان. تٸپتٸ, ماتەريالدىق شاعىمدى ۇسىنۋدىڭ سىلتاۋىن دا الدىن-الا ويلاستىرعان. تەرگەۋ بارىسىندا بارلىق كٷدٸكتٸنٸڭ اتى-جٶنٸ انىقتالدى.
«25 ناۋرىزدا اقمولا وبلىسى پوليتسييا دەپارتامەنتٸ كريمينالدىق پوليتسييا باسقارماسىنىڭ جەنە ۇلتتىق قاۋٸپسٸزدٸك كوميتەتٸ دەپارتامەنتٸنٸڭ قىزمەتكەرلەرٸمەن جٷرگٸزٸلگەن جەدەل-ٸزدەستٸرۋ شاراسىنىڭ نەتيجەسٸندە كٶكشەتاۋ قالاسىنىڭ 20-24 جاس ارالىعىنداعى تٶرت تۇرعىنى ۇستالىپ, سوتقا دەيٸنگٸ تەرگەۋ امالدارى باستالدى. قازٸرگٸ كەزدە كٷدٸكتٸلەردٸڭ ٷشەۋٸ دە ۋاقىتشا ۇستاۋ وقشاۋلاعىشىنا قامالدى», - دەپ تولىقتىردى ۆەدومستۆودان.
