Kókshetaýda júrgizýshi kýáligi joq áieldiń turǵyn úi aýlasynda jaiaý júrginshini qaǵyp, ólimge ákelgen isi boiynsha sot úkimi jariialandy, dep habarlaidy ult.kz.
Oqiǵa biylǵy mamyr aiynda bolǵan. Sot materialdaryna sáikes, qala turǵyny júrgizýshi kýáligi bolmasa da avtokólik tizginine otyrǵan. Turǵyn úi aýlasyna burylý kezinde ol jaiaý júrginshini qaǵyp ketken.
Saldarynan zardap shekken áiel aýyr dene jaraqattaryn alyp, keiin aýrýhanada kóz jumǵan.
Sottalýshy kólik basqarý týraly sheshimin jubaiynyń densaýlyǵynyń kúrt nasharlaýymen túsindirgen.
Sot otyrysy barysynda áieldiń kinási tolyq dáleldendi. Ol óz kinásin moiyndap, jasaǵan isine ókinish bildirgen, keltirilgen shyǵyndy ótep, marqumnyń týystarynan keshirim suraǵan.
Jábirlenýshi tarap sottalýshyǵa qatysty materialdyq jáne moraldyq talaptarynyń joq ekenin aityp, ony bas bostandyǵynan aiyrmaýdy suraǵan.
Soǵan qaramastan sot kólik quralyn júrgizý quqyǵynsyz basqarý zań talaptaryn óreskel buzý ekenin atap ótti. Sondai-aq avtokóliktiń joǵary qaýiptilik kózi sanalatyny eskerildi.
Sot úkimimen áiel kináli dep tanylyp, 2 jyl 6 ai merzimge bas bostandyǵynan aiyryldy. Alaida onyń asyraýynda eki kámeletke tolmaǵan balasy bolýyna bailanysty jazany oryndaý úsh jylǵa keiinge shegerildi.
