كٶكشەتاۋدا جٷرگٸزۋشٸ كۋەلٸگٸ جوق ەيەلدٸڭ تۇرعىن ٷي اۋلاسىندا جاياۋ جٷرگٸنشٸنٸ قاعىپ, ٶلٸمگە ەكەلگەن ٸسٸ بويىنشا سوت ٷكٸمٸ جارييالاندى, دەپ حابارلايدى ult.kz.
وقيعا بيىلعى مامىر ايىندا بولعان. سوت ماتەريالدارىنا سەيكەس, قالا تۇرعىنى جٷرگٸزۋشٸ كۋەلٸگٸ بولماسا دا اۆتوكٶلٸك تٸزگٸنٸنە وتىرعان. تۇرعىن ٷي اۋلاسىنا بۇرىلۋ كەزٸندە ول جاياۋ جٷرگٸنشٸنٸ قاعىپ كەتكەن.
سالدارىنان زارداپ شەككەن ەيەل اۋىر دەنە جاراقاتتارىن الىپ, كەيٸن اۋرۋحانادا كٶز جۇمعان.
سوتتالۋشى كٶلٸك باسقارۋ تۋرالى شەشٸمٸن جۇبايىنىڭ دەنساۋلىعىنىڭ كٷرت ناشارلاۋىمەن تٷسٸندٸرگەن.
سوت وتىرىسى بارىسىندا ەيەلدٸڭ كٸنەسٸ تولىق دەلەلدەندٸ. ول ٶز كٸنەسٸن مويىنداپ, جاساعان ٸسٸنە ٶكٸنٸش بٸلدٸرگەن, كەلتٸرٸلگەن شىعىندى ٶتەپ, مارقۇمنىڭ تۋىستارىنان كەشٸرٸم سۇراعان.
جەبٸرلەنۋشٸ تاراپ سوتتالۋشىعا قاتىستى ماتەريالدىق جەنە مورالدىق تالاپتارىنىڭ جوق ەكەنٸن ايتىپ, ونى باس بوستاندىعىنان ايىرماۋدى سۇراعان.
سوعان قاراماستان سوت كٶلٸك قۇرالىن جٷرگٸزۋ قۇقىعىنسىز باسقارۋ زاڭ تالاپتارىن ٶرەسكەل بۇزۋ ەكەنٸن اتاپ ٶتتٸ. سونداي-اق اۆتوكٶلٸكتٸڭ جوعارى قاۋٸپتٸلٸك كٶزٸ سانالاتىنى ەسكەرٸلدٸ.
سوت ٷكٸمٸمەن ەيەل كٸنەلٸ دەپ تانىلىپ, 2 جىل 6 اي مەرزٸمگە باس بوستاندىعىنان ايىرىلدى. الايدا ونىڭ اسىراۋىندا ەكٸ كەمەلەتكە تولماعان بالاسى بولۋىنا بايلانىستى جازانى ورىنداۋ ٷش جىلعا كەيٸنگە شەگەرٸلدٸ.
