Kókshetaý qalasynda tanysynyń telefonyn paidalanyp, depozitindegi qomaqty qarajatty iemdendi degen kúdikpen jas jigit ustaldy. Aldyn ala málimet boiynsha, ol urlanǵan aqshanyń barlyǵyn qumar oiynǵa jumsap, utylyp qalǵan, dep habarlaidy ult.kz.
Oqiǵaǵa bailanysty Kókshetaý qalalyq politsiia basqarmasyna jergilikti turǵyn aryzdanǵan. Onyń aitýynsha, iPhone 15 telefony joǵalyp, jalpy shyǵyn kólemi shamamen 2,6 mln teńgeni quraǵan.
Tergeý barysynda politseiler joǵalǵan telefonda bank qosymshasy ornatylǵanyn anyqtaǵan. Qurylǵy arqyly jábirlenýshiniń depozittik shotynda shamamen 2 mln teńge bolǵany belgili bolǵan.
Politsiia málimetinshe, oqiǵaǵa deiin 2007 jyly týǵan jas jigit tanysymen birge ýaqyt ótkizgen. Alaida kelesi kúni jábirlenýshi oǵan habarlasa almai, telefonynyń joǵalǵanyn jáne depozitindegi qarajattyń sheshilip alynǵanyn baiqaǵan.
Jedel-izdestirý sharalary nátijesinde politseiler kúdiktiniń jeke basyn anyqtady. Aldyn ala aqparat boiynsha, ol iemdengen aqshany qumar oiyndarǵa tigip, tolyqtai utylyp qalǵan.
Qazirgi ýaqytta oqiǵanyń barlyq mán-jaiy anyqtalyp jatyr. Tergeý qorytyndysy boiynsha zań talaptaryna sáikes protsessýaldyq sheshim qabyldanady.
