كٶكشەتاۋ قالاسىندا تانىسىنىڭ تەلەفونىن پايدالانىپ, دەپوزيتٸندەگٸ قوماقتى قاراجاتتى يەمدەندٸ دەگەن كٷدٸكپەن جاس جٸگٸت ۇستالدى. الدىن الا مەلٸمەت بويىنشا, ول ۇرلانعان اقشانىڭ بارلىعىن قۇمار ويىنعا جۇمساپ, ۇتىلىپ قالعان, دەپ حابارلايدى ult.kz.
وقيعاعا بايلانىستى كٶكشەتاۋ قالالىق پوليتسييا باسقارماسىنا جەرگٸلٸكتٸ تۇرعىن ارىزدانعان. ونىڭ ايتۋىنشا, iPhone 15 تەلەفونى جوعالىپ, جالپى شىعىن كٶلەمٸ شامامەن 2,6 ملن تەڭگەنٸ قۇراعان.
تەرگەۋ بارىسىندا پوليتسەيلەر جوعالعان تەلەفوندا بانك قوسىمشاسى ورناتىلعانىن انىقتاعان. قۇرىلعى ارقىلى جەبٸرلەنۋشٸنٸڭ دەپوزيتتٸك شوتىندا شامامەن 2 ملن تەڭگە بولعانى بەلگٸلٸ بولعان.
پوليتسييا مەلٸمەتٸنشە, وقيعاعا دەيٸن 2007 جىلى تۋعان جاس جٸگٸت تانىسىمەن بٸرگە ۋاقىت ٶتكٸزگەن. الايدا كەلەسٸ كٷنٸ جەبٸرلەنۋشٸ وعان حابارلاسا الماي, تەلەفونىنىڭ جوعالعانىن جەنە دەپوزيتٸندەگٸ قاراجاتتىڭ شەشٸلٸپ الىنعانىن بايقاعان.
جەدەل-ٸزدەستٸرۋ شارالارى نەتيجەسٸندە پوليتسەيلەر كٷدٸكتٸنٸڭ جەكە باسىن انىقتادى. الدىن الا اقپارات بويىنشا, ول يەمدەنگەن اقشانى قۇمار ويىندارعا تٸگٸپ, تولىقتاي ۇتىلىپ قالعان.
قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر. تەرگەۋ قورىتىندىسى بويىنشا زاڭ تالاپتارىنا سەيكەس پروتسەسسۋالدىق شەشٸم قابىلدانادى.
