Qoǵamdyq keńestiń áleýmettik máseleler jónindegi komissiiasynyń músheleri elordanyń problemalyq nysandary - qurylys júrgizýshiler birneshe jyl buryn tapsyrýǵa tiis salynyp bitpegen turǵyn úilerde boldy, - dep habarlaidy "Ult aqparat" tilshisi Astananyń resmi saityna silteme jasap.
Úleskerlerden qarjy alyp, qurylysty toqtatyp qoiǵan burynǵy bas merdigerlerge qatysty qylmystyq ister qozǵaldy. Problemalyq úilerdiń aldaǵy taǵdyry - sot sheshimine ǵana bailanysty.
"Biz 2 milliard teńgeden astam qarjy quidyq, úidiń 1/3 bóligi ǵana salynǵan. Bas merdiger telefonǵa jaýap bermeidi", - deidi úilerdiń biriniń úleskeri Janna Ývataeva.
436 páterden turatyn basqa nysan 2013 jyly paidalanýǵa tapsyrylýy tiis edi. Qurylysty aiaqtaý mindeti júktelgen qazirgi tapsyrys berýshi ony óz qarjysyna salyp jatyr, biraq qarajat jetkiliksiz.
"Bizge eń bastysy - aktivterdi ashý. Býhgalterlerdiń esepteýinshe, sol aktivter bizge barlyq qurylys jumystaryn aiaqtaýǵa jetedi", - deidi tapsyrys berýshi kompaniia direktorynyń orynbasary Qairat Ádilbaev.
Kompaniia ókili komissiia múshelerin qurylysty kelesi jyly aiaqtaitynyna sendirdi.
"Biz qoǵamdyq keńes retinde usynystar aitamyz. Úleskerlermen kezdesip, barlyq máselelerdi talqylaimyz. Úleskerlerdiń aitqandaryn tyńdap, usynystar ázirlei bastaimyz. Ol usynystardy ákimdikke jiberemiz. Eger qajet bolsa, joǵary turǵan organǵa da shyǵamyz", - dep atap kórsetti Astana qalasy qoǵamdyq keńesiniń áleýmettik máseleler jónindegi komissiiasynyń tóraǵasy Muhtar Erketaev.
.jpeg)