Qoǵamdyq keńester zeinetkerler keńesine ainalyp otyr. Mundai pikirdi Shyǵys Qazaqstan oblystyq qoǵamdyq keńesiniń múshesi, oblystyq máslihat depýtaty Oleg Chernyshev bildirdi, dep habarlaidy QazAqparat.
«Resýrstyq qamtamasyz etý máselesine toqtalyp ótpekpin. Bizde, Shyǵys Qazaqstan oblysynda Ishki saiasat basqarmasynyń arqasynda naqty mindetterdi júzege asyrý úshin memlekettik áleýettik tapsyrys arqyly naqty qarajat alyp otyrmyz. Sonyń nátijesin búkil oblysty aralap, problemalardy jinaqtaýǵa, qoǵamdyq tyńdaýlar ótkizýge, azamattardyń shaǵymdarymen jumys isteýge múmkindik aldyq»,- dedi ol IX Azamattyq forým barysynda.
Degenmen, ol mundai júieniń ózindik kemshilikteri de bar ekendigin basa aitty.
«Alaida, táýekelder de bar. Memlekettik áleýmettik tapsyrysty kim utyp alady? Bul iske múldem qatysy joq uiym jeńimpaz bolyp shyqpai ma? Barlyǵy baǵany tómendetýge negizdelgen. Soǵan orai, baǵa tómendegen kezde sapanyń nasharlaýy da oryn alady. Sondyqtan eger biz sapaly nátije alǵymyz kelse, onda jetkilikti resýrstyń da bolýy zańda naqty jazylýy tiis. Búginde bizdiń Qoǵamdyq keńester zeinetaqy esebinen ómir súrý múmkindigi bar bolǵandyqtan osyndai protsesterge qatysatyn zeinetkerler keńesine ainalyp ketken. Bulai bolmaýy tiis. Biz Qoǵamdyq keńesterde naqty sarapshylar, shynaiy kásibi mamandar bolǵanyn qalaimyz. Al ol úshin naqty resýrstar bolýy tiis», - dedi Oleg Chernyshov.
