قوعامدىق كەڭەستەر زەينەتكەرلەر كەڭەسٸنە اينالىپ وتىر. مۇنداي پٸكٸردٸ شىعىس قازاقستان وبلىستىق قوعامدىق كەڭەسٸنٸڭ مٷشەسٸ, وبلىستىق مەسليحات دەپۋتاتى ولەگ چەرنىشەۆ بٸلدٸردٸ, دەپ حابارلايدى قازاقپارات.
«رەسۋرستىق قامتاماسىز ەتۋ مەسەلەسٸنە توقتالىپ ٶتپەكپٸن. بٸزدە, شىعىس قازاقستان وبلىسىندا ٸشكٸ ساياسات باسقارماسىنىڭ ارقاسىندا ناقتى مٸندەتتەردٸ جٷزەگە اسىرۋ ٷشٸن مەملەكەتتٸك ەلەۋەتتٸك تاپسىرىس ارقىلى ناقتى قاراجات الىپ وتىرمىز. سونىڭ نەتيجەسٸن بٷكٸل وبلىستى ارالاپ, پروبلەمالاردى جيناقتاۋعا, قوعامدىق تىڭداۋلار ٶتكٸزۋگە, ازاماتتاردىڭ شاعىمدارىمەن جۇمىس ٸستەۋگە مٷمكٸندٸك الدىق»,- دەدٸ ول IX ازاماتتىق فورۋم بارىسىندا.
دەگەنمەن, ول مۇنداي جٷيەنٸڭ ٶزٸندٸك كەمشٸلٸكتەرٸ دە بار ەكەندٸگٸن باسا ايتتى.
«الايدا, تەۋەكەلدەر دە بار. مەملەكەتتٸك ەلەۋمەتتٸك تاپسىرىستى كٸم ۇتىپ الادى? بۇل ٸسكە مٷلدەم قاتىسى جوق ۇيىم جەڭٸمپاز بولىپ شىقپاي ما? بارلىعى باعانى تٶمەندەتۋگە نەگٸزدەلگەن. سوعان وراي, باعا تٶمەندەگەن كەزدە ساپانىڭ ناشارلاۋى دا ورىن الادى. سوندىقتان ەگەر بٸز ساپالى نەتيجە العىمىز كەلسە, وندا جەتكٸلٸكتٸ رەسۋرستىڭ دا بولۋى زاڭدا ناقتى جازىلۋى تيٸس. بٷگٸندە بٸزدٸڭ قوعامدىق كەڭەستەر زەينەتاقى ەسەبٸنەن ٶمٸر سٷرۋ مٷمكٸندٸگٸ بار بولعاندىقتان وسىنداي پروتسەستەرگە قاتىساتىن زەينەتكەرلەر كەڭەسٸنە اينالىپ كەتكەن. بۇلاي بولماۋى تيٸس. بٸز قوعامدىق كەڭەستەردە ناقتى ساراپشىلار, شىنايى كەسٸبي ماماندار بولعانىن قالايمىز. ال ول ٷشٸن ناقتى رەسۋرستار بولۋى تيٸس», - دەدٸ ولەگ چەرنىشوۆ.
