Qoǵamdyq keńesterde 3 myńǵa jýyq másele talqylandy. Bul jaiynda Májilis depýtattarynyń saýalyna QR Aqparat jne qoǵamdyq damý ministri Asqar Ýmarovtyń jaýabynda aitylǵan, dep habarlaidy QazAqparat.
«Qoǵamdyq keńester respýblikada 2016 jyldan bastap memleket pen qoǵamnyń ózara is-qimyl institýty retinde jumys isteidi, olar memlekettik organdar ókildikteriniń (30% aspaityn) jáne azamattyq sektordyń (keminde 70%) proportsionaldy araqatynasynan turady. Osy kezeńde qoǵamdyq keńester jyl saiyn 200-den astam ártúrli deńgeidegi ákimniń, 20 ortalyq jáne 200-ge jýyq jergilikti memlekettik organ basshylarynyń esepterin tyńdady», - dep atap ótedi ministr.
Onyń aitýynsha, tiisti salanyń nemese óńirdiń qoǵamdyq mańyzdy máselelerin qaraýǵa 1 myńnan astam qoǵamdyq monitoring júrgizildi.
«Qoǵamdyq keńesterdiń qoǵamdyq tyńdaýlarynda 3 myńǵa jýyq sýmen jabdyqtaý, TKSh, meditsina, bilim berý, áleýmettik sala máseleleri talqylandy. Qoǵamdyq keńes músheleri 20 myńnan astam normativtik quqyqtyq aktiniń jobasyn qarady. Sonymen qatar, alty jyldyq qyzmet qorytyndysynyń oń nátijelerine qaramastan, qoǵamdyq keńesterdiń jumysyna jasalǵan taldaý qoǵamdyq keńesterdiń memlekettik sheshimder qabyldaý kezinde qoǵamdyq baqylaý men halyqtyń pikirin eskerýdiń tiimdi quraly bola almaǵanyn kórsetedi. Qoǵamdyq keńesterdiń qyzmeti, sondai-aq olardyń sapalyq quramy azamattar arasynda jii narazylyq týdyrady, qoǵamdyq keńesterdiń jumysy formaldy sipatqa ie, bul olardyń tiimsizdigin jáne ashyq bolmaýyn kórsetedi», - dedi Asqar Ýmarov.
