قوعامدىق كەڭەستەردە 3 مىڭعا جۋىق مەسەلە تالقىلاندى. بۇل جايىندا مەجٸلٸس دەپۋتاتتارىنىڭ ساۋالىنا قر اقپارات جنە قوعامدىق دامۋ مينيسترٸ اسقار ۋماروۆتىڭ جاۋابىندا ايتىلعان, دەپ حابارلايدى قازاقپارات.
«قوعامدىق كەڭەستەر رەسپۋبليكادا 2016 جىلدان باستاپ مەملەكەت پەن قوعامنىڭ ٶزارا ٸس-قيمىل ينستيتۋتى رەتٸندە جۇمىس ٸستەيدٸ, ولار مەملەكەتتٸك ورگاندار ٶكٸلدٸكتەرٸنٸڭ (30% اسپايتىن) جەنە ازاماتتىق سەكتوردىڭ (كەمٸندە 70%) پروپورتسيونالدى اراقاتىناسىنان تۇرادى. وسى كەزەڭدە قوعامدىق كەڭەستەر جىل سايىن 200-دەن استام ەرتٷرلٸ دەڭگەيدەگٸ ەكٸمنٸڭ, 20 ورتالىق جەنە 200-گە جۋىق جەرگٸلٸكتٸ مەملەكەتتٸك ورگان باسشىلارىنىڭ ەسەپتەرٸن تىڭدادى», - دەپ اتاپ ٶتەدٸ مينيستر.
ونىڭ ايتۋىنشا, تيٸستٸ سالانىڭ نەمەسە ٶڭٸردٸڭ قوعامدىق ماڭىزدى مەسەلەلەرٸن قاراۋعا 1 مىڭنان استام قوعامدىق مونيتورينگ جٷرگٸزٸلدٸ.
«قوعامدىق كەڭەستەردٸڭ قوعامدىق تىڭداۋلارىندا 3 مىڭعا جۋىق سۋمەن جابدىقتاۋ, تكش, مەديتسينا, بٸلٸم بەرۋ, ەلەۋمەتتٸك سالا مەسەلەلەرٸ تالقىلاندى. قوعامدىق كەڭەس مٷشەلەرٸ 20 مىڭنان استام نورماتيۆتٸك قۇقىقتىق اكتٸنٸڭ جوباسىن قارادى. سونىمەن قاتار, التى جىلدىق قىزمەت قورىتىندىسىنىڭ وڭ نەتيجەلەرٸنە قاراماستان, قوعامدىق كەڭەستەردٸڭ جۇمىسىنا جاسالعان تالداۋ قوعامدىق كەڭەستەردٸڭ مەملەكەتتٸك شەشٸمدەر قابىلداۋ كەزٸندە قوعامدىق باقىلاۋ مەن حالىقتىڭ پٸكٸرٸن ەسكەرۋدٸڭ تيٸمدٸ قۇرالى بولا الماعانىن كٶرسەتەدٸ. قوعامدىق كەڭەستەردٸڭ قىزمەتٸ, سونداي-اق ولاردىڭ ساپالىق قۇرامى ازاماتتار اراسىندا جيٸ نارازىلىق تۋدىرادى, قوعامدىق كەڭەستەردٸڭ جۇمىسى فورمالدى سيپاتقا يە, بۇل ولاردىڭ تيٸمسٸزدٸگٸن جەنە اشىق بولماۋىن كٶرسەتەدٸ», - دەدٸ اسقار ۋماروۆ.
