Atyraý oblysynda óńirlerdegi áleýmettik-ekonomikalyq máselelerdiń sheshilýine úles qosý, ózekti máseleler boiynsha memlekettik organdarǵa usynymdar ázirlep, onyń oryndalýyna qoǵamdyq baqylaý ornatý, shielenisterdi boldyrmaý, áleýmettik mańyzdy jobalardy jáne baǵdarlamalardy qoldaý, túrli etnos ókilderiniń turaqtylyǵy men tatýlyǵyn qalyptastyrýǵa yqpal etý maqsatynda Qoǵamdyq kelisim keńesiniń kóshpeli otyrystary ótti, - dep habarlaidy «Ult aqparat».
Atalǵan kóshpeli otyrystardyń bastaýy Maqat aýdanynan bastaldy. Maqat aýdandyq ákimdiginiń májilis zalynda ótken kóshpeli otyrysty aýdan ákiminiń orynbasary O.Aikasheva ashyp, kóshpeli otyrysta aýdandyq, aýyldyq Qoǵamdyq kelisim keńesteriniń atqarǵan jumysy, «Aýyl-el besigi» arnaiy jobasyn iske asyrý aiasynda atqarylǵan jumystar tyńdaldy. Turǵyndar Dossor kentindegi jol, trotýar, apatty jaǵdaidaǵy turǵyn úi máselelerin kóterdi. Aýdan ákiminiń orynbasary kelgen saýaldarǵa jaýap berip, turǵyndardan túsken suraqtardy hattamaǵa engizýdi aýdandyq ishki saiasat bóliminiń basshysyna tapsyrdy.
Kóshpeli otyrys Mahambet jáne Inder aýdandarynda jalǵasyn tapty. Mahambet aýdanynda ótken jiynda «Aýyl –el besigi» baǵdarlamasy aiasynda jáne aýdandyq kelisim keńesiniń atqarǵan jumystary týraly aýdandyq ishki saiasat bóliminiń basshysy A.Sisenov, «Beibarys» aýyldyq okrýgi ákimi M.Sarsenǵaliev aqparat berdi. Jiynda aýdandyq maslihat hatshysy M.Myrzashev, Mahambet aýdandyq Qoǵamdyq kelisim Keńesiniń tóraǵasy S.Djailiashev pikirlerimen almasty. Al Inder aýdanyndaǵy kóshpeli otyrysty aýdan ákiminiń orynbasary S.Óteǵulov júrgizdi. Inder aýdany boiynsha «Aýyl-el besigi» baǵdarlamasy aiasynda atqarylǵan jumystar týraly ekonomika jáne qarjy bóliminiń basshysy G.Qonasova aqparat berdi. Qoǵamdyq kelisim keńesiniń tóraǵasy S.Juqiev Qoǵamdyq kelisim keńesiniń quramymen tanystyryp, olardyń jumysyn sipattady.
Aýdandarda ótken kóshpeli otyrysqa jergilikti atqarýshy organdar ókilderi, turǵyndar, etnos ókilderi, analar keńesi, BAQ ókilderi qatysty. Jiyn sońynda Nurjan Ermuhanov aýdandyq kelisim keńesiniń jumystaryna sáttilik tilep, aýdan ákimderiniń orynbasarlaryna Qazaqstan halqy Assambleiasynyń 25 jyldyǵyna arnalǵan estelik syilyǵyn tabystady.
Osy oraida aita keteiik, Qazaqstan halqy Assambleiasy oblystyq Qoǵamdyq kelisim keńesiniń tóraǵasy N.Ermuhanov áleýmettik máselelerdi boldyrmaýǵa jáne aldyn alýǵa, jergilikti jerlerde qaiyrymdylyq, mediatsiia jáne qoǵamdyq baqylaýdy damytýǵa kómek beretinin aityp, Qoǵamdyq kelisim keńesiniń jumysyn jandandyrýda birlese jumys jasaitynyn málimdedi.
Esterińizge salamyz, Atyraý oblysynda óńirlerdegi áleýmettik-ekonomikalyq máselelerdiń sheshilýine úles qosý, ózekti máseleler boiynsha memlekettik organdarǵa usynymdar ázirlep, onyń oryndalýyna qoǵamdyq baqylaý ornatý, shielenisterdi boldyrmaý, áleýmettik mańyzdy jobalardy jáne baǵdarlamalardy qoldaý, túrli etnos ókilderiniń turaqtylyǵy men tatýlyǵyn qalyptastyrýǵa yqpal etý maqsatynda Qoǵamdyq kelisim keńesiniń kóshpeli otyrystary ótti.
.jpeg)