Elimizde ótip jatqan sailaý barysynda qoǵamdyq tártipti 40 myńǵa jýyq politsiia qyzmetkeri qamtamasyz etýde. Bul týraly QR Ishki ister ministriniń orynbasary Arystanǵani Zaparov aitty, dep habarlaidy QazAqparat.
«Búgin elimiz úshin mańyzdy kún. Májilis jáne máslihattar depýtattaryn sailaý naýqany ótip jatyr. Bul naýqandy ótkizýge jáne aldyn ala daiyndyq sharalaryn uiymdastyrýǵa bailanysty ishki ister organdarynyń barlyq jeke quramy qyzmet atqarýdyń kúsheitilgen tártipte jumys jasaýda. Búginde elimizdegi quqyqtyq tártip pen qoǵamdyq qaýipsizdikti 40 myńǵa jýyq ishki ister organdarynyń qyzmetkeri qamtamasyz etýde», - dedi ministr orynbasary Ortalyq kommýnikatsiialar qyzmetindegi brifing barysynda.
Onyń atap ótýinshe, oqiǵalarǵa, onyń ishinde daýys berý oryndarynda bolýy múmkin quqyq buzýshylyqtarǵa jedel den qoiý úshin qosymsha jedel tergeý toptaryn qurylǵan.
«Olardyń quramynda prokýratýra qyzmetkerleri de bar. Sailaý ýchaskelerindegi jaǵdaiǵa keler bolsaq, biýlletender aparylmai turyp, barlyq sailaý ýchaskeleri qaýipsizdik turǵysynan tekserýden ótti. Politsiia qyzmetkerleriniń baqylaýymen biýlletenderdiń barlyǵy ýchaskelerge esh kedergisiz jetkizildi», - dedi Arystanǵani Zaparov.
