Ońtústikte úkimettik emes uiymdardyń VII Azamattyq forýmy ótti. El ishinde kúrmeýi sheshilmegen, mánisi tarqatylmaǵan máseleler kóp. Onyń barlyǵyna úkimettik qurylymdar aralasa almaidy. Mundaida úkimettik emes uiymdardyń múmkindigi úlken.
Osy forýmǵa arnaiy qatysqan oblys ákimi Janseiit Túimebaev elimizdiń saiasi jáne áleýmettik-ekonomikalyq turǵydan damýynda belsendi qoǵamdyq uiymdar men jekelegen bastamashyl azamattardyń úlesi myqty ekendigin aitty.
– Elbasymyzdyń «100 naqty qadam» Ult josparyndaǵy halyq aldynda esep beretin memleketti qalyptastyrý maqsatynda «Qoǵamdyq keńester týraly» Zań qabyldanyp, respýblikalyq, oblystyq, aýdandyq, qalalyq deńgeilerde qoǵamdyq keńester qurylǵan. Osyndai uiymdardyń quramyna qoǵamnyń túrli salasynyń múddesin bildiretin birlestikterdiń 80-ge jýyq jetekshileri engizilgen. Bul Ata zańymyzda kórsetilgen azamattyq qoǵamdy damytýǵa degen memlekettiń kezekti bir qadamy deýge bolady, – dedi J.Túimebaev.
Oblys basshysy óz sózinde azamattyq qoǵamdy damytý baǵytynda birtalai usynystaryn bildirdi. Áleýmettik jaǵynan qorǵalmaǵan adamdardyń toby bar. Ospadar bireýlerdiń tarapynan zorlyq-zombylyqqa túsken, qorlyq kórgen názik jandylar men jas balalardyń problemasy jii aitylady. Olardyń daýysy joǵaryǵa jete bermeidi. Dini ekstremizm men terrorizmge iyǵyn berip, adasyp júrgen jastar taǵy bar. Din atyn jamylyp túrli jihadqa shaqyryp júrgenderdiń aldy Aqtóbe oblysyndaǵy oqiǵada boi kórsetti. Ońtústik ondai indetten aman dep qol qýsyryp qarap otyra berýge bolmaidy.
Memleket basshysynyń ózi úlken mán berip otyrǵan máselege úkimettik emes uiymdar barynsha mán berip, jalǵan nanymnyń jeteginde júrgenderdiń kózin ashýǵa, olardy el paidasyna jumys jasaýǵa tartý kerek. Jastardy otansúigishtik rýhta tárbieleýde jattandy súrleýden shyǵyp, jańasha jumys joldaryn izdestirý, bir maqsat, bir múddege qyzmet jasaýǵa tárbieleý kerek.
Qoǵamdyq saiasi-turaqtylyqty saqtap, memlekettiń alǵa qarai damýyna tyń serpin jasaýǵa septesý qoǵamdyq uiymdardyń qolynan keledi. Forýmda sóz alǵandar áńgimesiniń arnasy osy baǵytta toǵysyp jatty.
Úkimettik emes uiymdar úlken kúsh. Osyǵan bailanysty oblysta memlekettik áleýmettik tapsyrys boiynsha bastapqyda bir ǵana oblystyq basqarma jumys istese, búgingi kúnde úkimettik emes uiymdarmen aýdan, qala ákimdikterimen qatar, bes oblystyq basqarma qyzmet etip keledi.
Forým sońynda belsendi úkimettik emes uiym músheleri marapattalyp, áleýmettik ideialar men jobalar jármeńkesiniń jeńimpazdary laiyqty baǵasyn aldy.
Baqtiiar TAIJAN,
«Egemen Qazaqstan»
Ońtústik qazaqstan oblysy
.jpeg)