Aqparat jáne qoǵamdyq damý ministri Aida Balaeva ortalyq komminkatsiialar qyzmetinde ótken brifingide «Qoǵamdyq baqylaý» týraly zań jobasynyń qandai satyda ekenin aitty, dep habarlaidy "Ult aqparat".
«Qoǵamdyq baqylaý» týraly zań jobasy daiyn. Ol sarapshylar arasynda da, óńirler bólinisinde de keńinen talqylandy. Qoǵamdyq keńester men úkimettik emes uiym basshylary deńgeiinde de qyzý talqyǵa tústi. Tutastai alǵanda, zań jobasyn talqylaýǵa 50-den astam alań usynyldy. Budan bólek, 70 sarapshysy bar jumys tobyn qurǵan bolatynbyz. Onyń quramyna halyqaralyq uiym basshylary, úkimettik emes uiym jetekshileri, jekelegen sarapshylar da kirdi. Jumys toby zań jobasyn muqiiat ári egjei-tegjei talqylady. Keńinen talqylaý arqyly biz usynǵan joba 100 paiyz qaita pysyqtaldy. Sarapshylardyń usynymy boiynsha zań jobasynyń jalpylama sipatyna mán berildi. Búginde ol Úkimet qaraýynda jatyr. Maýsym aiynda Májiliske jiberiledi», - dedi Aida Balaeva.
