اقپارات جەنە قوعامدىق دامۋ مينيسترٸ ايدا بالاەۆا ورتالىق كوممينكاتسييالار قىزمەتٸندە ٶتكەن بريفينگٸدە «قوعامدىق باقىلاۋ» تۋرالى زاڭ جوباسىنىڭ قانداي ساتىدا ەكەنٸن ايتتى, دەپ حابارلايدى "ۇلت اقپارات".
«قوعامدىق باقىلاۋ» تۋرالى زاڭ جوباسى دايىن. ول ساراپشىلار اراسىندا دا, ٶڭٸرلەر بٶلٸنٸسٸندە دە كەڭٸنەن تالقىلاندى. قوعامدىق كەڭەستەر مەن ٷكٸمەتتٸك ەمەس ۇيىم باسشىلارى دەڭگەيٸندە دە قىزۋ تالقىعا تٷستٸ. تۇتاستاي العاندا, زاڭ جوباسىن تالقىلاۋعا 50-دەن استام الاڭ ۇسىنىلدى. بۇدان بٶلەك, 70 ساراپشىسى بار جۇمىس توبىن قۇرعان بولاتىنبىز. ونىڭ قۇرامىنا حالىقارالىق ۇيىم باسشىلارى, ٷكٸمەتتٸك ەمەس ۇيىم جەتەكشٸلەرٸ, جەكەلەگەن ساراپشىلار دا كٸردٸ. جۇمىس توبى زاڭ جوباسىن مۇقييات ەرٸ ەگجەي-تەگجەي تالقىلادى. كەڭٸنەن تالقىلاۋ ارقىلى بٸز ۇسىنعان جوبا 100 پايىز قايتا پىسىقتالدى. ساراپشىلاردىڭ ۇسىنىمى بويىنشا زاڭ جوباسىنىڭ جالپىلاما سيپاتىنا مەن بەرٸلدٸ. بٷگٸندە ول ٷكٸمەت قاراۋىندا جاتىر. ماۋسىم ايىندا مەجٸلٸسكە جٸبەرٸلەدٸ», - دەدٸ ايدا بالاەۆا.
