Saiasattanýshy Edýard Poletaev «Qoǵamdyq baqylaý týraly» Zań jobasyna qatysty óz oiyn aitty, dep habarlaidy QazAqparat.
Spikerdiń aitýynsha, qazirgi ýaqytta bul zań jobasy keń qoǵamdyq saraptamadan ótýde.
«Atalǵan zań jobasy «Halyq únine qulaq asatyn memleket» tujyrymdamasynyń bir bóligi. Ol Memleket basshysynyń 2020 jyldyń 1 qyrkúiegindegi Joldaýynan bastaý alady. Bul zań tujyrymdamasynyń ózi úkimettik emes uiymdardyń mańyzdylyǵyn jáne Qazaqstandaǵy azamattyq qoǵamnyń rólin kórsetetindigin moiyndaý kerek. Salystyrý úshin men reseilik tujyrymdamany qaradym, olarda 2014 jyly shyqqan zań bar. Qýanarlyǵy reseidiń zańyna múldem uqsamaidy, iaǵni qaitalamaidy. Zań jobasy áli talqylanyp jatqanymen, ol naqty jazylǵan. Men onyń sapaly ekenin atap ótkim keledi. Bul qoǵamǵa jáne jalpy memleketke paidaly syndarly tásil», - dedi Edýard Poletaev.
Aita keteiik, Aqparat jáne qoǵamdyq damý ministri Aida Balaeva «Qoǵamdyq baqylaý týraly» Zań jobasyn talqylaý úshin Almaty qalasy Qoǵamdyq keńesiniń múshelerimen kezdesti.
