Foto: Turar Qazanǵapov
Psiholog mamannyń aitýynsha, baǵasy sapasyna sai emes. Endi ashylǵan mektepterdiń ózi ýdai baǵa qoiady – jylyna 2,5 million teńge. Al bul baǵany kez kelgen ata-ananyń qaltasy kótermeidi.
Mysaly Haileybury Almaty. Munda daiarlaý tobyna balańyzdy berseńiz jylyna - 6 932 000 teńge, 1-2 synyp oqýshylary úshin – 10 115 000 teńge, al joǵary synyp oqýshylary jylyna – 15 000 000 teńge berip oqidy.
Odan bólek, jemqorlardan tárkilengen qarajatqa biyl 25 mektep salynady degen málimet tarady. Ol 28 myń oqýshyny syiǵyzady. Shymkentte, Jetisý óńirinde jáne Qyzylorda oblysynda – 3 mektepten; Jambyl oblysynda – 4 mektep; Astana qalasy men Almaty oblysynda – 2 mektepten; BQO, Pavlodar oblysy, Soltústik Qazaqstan oblysynda 1 mektepten salynbaq.
Salynatyn mektepterdiń statýsy jekemenshik bolady ma, memlekettik bolady ma, ol ýaqyttyń enshisinde. Qandai bolsa da, aldymen bilim emes, tárbie beretin bilim ordasy qurylǵany durys bolar deidi psiholog. Sebebi bilim sanaǵa sińip, oida qalady. Al, tárbie adamnyń kúlli jan-dúniesine áser etedi, tulǵalyq qasietterin qalyptastyrady. Ol 45 minýt sabaq berýmen shektelmeidi, úzdiksiz júretin úderis. Sondyqtan adamdy otbasy, qoǵam, qorshaǵan orta tárbieleidi. Osylardyń ishindegi eń mańyzdysy otbasylyq tárbie bolsa, sodan keiin balanyń mektepte alatyn tárbiesi.
