Aqtaý qalasynda Qazaqstan Respýblikasy Prezidenti janyndaǵy «Qoǵamdyq kelisim» respýblikalyq memlekettik mekemesi men Mańǵystaý oblysynyń Qazaqstan halqy Assambleiasynyń uiymdastyrýymen qazaqstandyq tatýlyq pen kelisim úlgisin ilgeriletý boiynsha óńirlik seminar ótti.
Onyń kózdegen maqsaty – «100 naqty qadam» Ult josparyn jáne Assambleianyń «Úlken el – úlken otbasy» jobasyn júzege asyrý aiasynda qoǵamdyq kelisim men turaqtylyqty qamtamasyz etý máseleleri boiynsha tyńdaýshylardyń kásibi bilimi men biliktilik deńgeiin arttyrý. Buǵan deiin Aqtóbe, Ońtústik Qazaqstan, Almaty, Jambyl, Shyǵys Qazaqstan oblystarynda ótip, Mańǵystaý óńirinde jalǵasyn tapqan seminarǵa memlekettik qyzmetkerlermen birge, BAQ ókilderi, etno-mádeni jáne dini birlestikterdiń, túrli qoǵamdyq uiymdardyń, Assambleia janynan qurylǵan «Qoǵamdyq kelisim» keńesteri men Analar keńesteriniń ókilderi qatysty.
– Seminar aiasynda árbir óńirdiń etnodemografiialyq, mádeni, mentalitettik, sharýashylyq-ekonomikalyq, áleýmettik damýyndaǵy erekshelikterdi eskere otyryp, taqyryptardy óńirdegi ózekti degen máselelerge baǵyttap qoiamyz. Jalpy, seminarda qoǵamdyq kelisimdi qamtamasyz etý tetikteri, memlekettik saiasatty júzege asyrý, etnosaralyq jáne konfessiiaaralyq qatynastardy, kóshi-qon úderisterin retteý máseleleri, sondai-aq dini ekstremizmmen, terrorizmmen kúres, olardyń aldyn alý taqyryptary, halyqtyń áleýmettik máselelerin sheshý, aýyldyq eldi mekenderdi damytý máseleleri jáne «Máńgilik El» ideiasyn uǵyndyrý taqyryptary qamtylýda, deidi Qazaqstan Prezidenti janyndaǵy «Qoǵamdyq kelisim» RMM direktorynyń orynbasary T.Jaqiianov.
Qazaqstan halqy Assambleiasy Hatshylyǵynyń, Densaýlyq saqtaý jáne áleýmettik damý ministrliginiń, Qazaqstan musylmandary Dini basqarmasynyń ókilderi men ǵalymdar dáris beretin seminarda óńirlerdiń erekshelikterimen birge problemalary da taldanyp, olardy sheshý joldary qarastyryldy. Investitsiialyq tartymdylyǵy joǵary, otandyq jáne sheteldik kompaniialar kóptep qyzmet etetin Mańǵystaý óńirinde suranysqa ie eńbek qatynastaryn retteýge qatysty dáristerdi Assambleia janynan qurylǵan mediatsiia institýty mediatorlary oqyp, mediativtik tehnologiianyń ádis-tásilderin, qaǵidalaryn úiretti. Seminar qorytyndysynda óńirdiń máseleleri pen problemalary anyqtalyp, olardy sheshý joldary izdestirilip, Prezident Ákimshiligine hat joldandy. Osylaisha, seminar nátijesinde anyqtalǵan isti joǵary deńgeide sheshý múmkindigi bar.
Lektorlar mazmundy da qyzyqty dáristerin jastar saiasaty ortalyǵynda, oqý oryndarynda oqyp, Jańaózen qalasy aktivimen kezdesý ótkizdi. Bir apta boiy Mańǵystaý óńirinde bolǵan olar sarapshylar men jastar tarapynan qoiylǵan túrli saýaldarǵa jaýap berip, óńirdiń áleýmettik-ekonomikalyq ahýaly men jalpy qoǵamdyq jaǵdaiyn zerdelei tústi.
Gúlaiym ShYNTEMIRQYZY,
«Egemen Qazaqstan»
Mańǵystaý oblysy
.jpeg)