Qoǵamdyq rezonans týdyrǵan Almatydaǵy jol apatyna qatysýshylar sottaldy, dep habarlaidy "Ult aqparat".
«Qylmystyq is materialdaryna sáikes, júrgizýshi S.Satqynbai Daewoo Matiz avtokóligimen Y.Altynsarin kóshesiniń boiymen ońtústik baǵytta kele jatyp, Abai dańǵylymen qiylysqan tusta jol erejisin buzyp, tyiym salynǵan baǵdarshamnyń qyzyl túsinen ótip, joldan shyǵyp ketti. Sol jerde júrgizýshi E.V.Ivchenkonyń basqarýyndaǵy «JAC S3» avtokóligimen soqtyǵysty. E.V.Ivchenko da jol erejesin buzǵan. Ol Abai dańǵylymen shyǵys baǵytta kele jatyp baǵdarshamnyń tyiym salynǵan sary túsine ótip ketken. Saldarynan E.V.Ivchenko tizgindegen kólik inertsiiamen qozǵalyp, kósheniń buryshynda turǵan jaiaý júrginshini qaǵyp ketti. Saldarynan jaiaý adam aýyr dene jaraqatyn aldy», – dedi Almaty qalalyq politsiia departamenti bastyǵynyń orynbasary Rústem Ábdrahmanov.
Atalǵan derek boiynsha júrgizilgen tergeý aiaqtaldy.
«Áýezov aýdandyq sotynyń úkimimen eki júrgizýshi de QR QK-niń 345-baby 2-bólimi boiynsha qylmys jasaǵany úshin kináli dep tanylyp olardyń árqaisysy bir jylǵa sottaldy. Sondai-aq, úsh jyl merzimge kólik quralyn basqarý quqyǵynan aiyrydy», - dep atap ótti spiker.
Eske salaiyq, bul jol kólik apaty 2020 jyly 17 qyrkúiekte tańǵy saǵat 08:00 shamasynda Almaty qalasy Áýezov aýdanynda bolǵan.
