Almatyda qoǵam qairatkeri, ekonomist Serikbolsyn Ábdildin 82 jasynda kóz jumdy, dep habarlaidy "Ult aqparat".
Bul habardy saiasattanýshy Erlan Saiyrov rastady.
«Qaiǵyly habar. Qazaqstan Respýblikasy memleket qairatkeri, ekonomika ǵylymdarynyń doktory Serikbolsyn Ábdildin ómirden ótti», - dep jazdy E. Saiyrov Facebook jelisinde.
Serikbolsyn Ábdildin 1937 jyly Shyǵys Qazaqstan oblysy, qazirgi Tarbaǵatai aýdany Qyzyljuldyz aýylynda týǵan. 1960 jyly Qazaq aýyl sharýashylyq institýtyn bitirip, eńbek jolyn agronom bolyp bastaǵan.
1963–1966 jyldary aspirant, aǵa ǵylymi qyzmetker, 1967–1982 jyldary - Qazaq KSR-i Memlekettik josparlaý komiteti tóraǵasynyń orynbasary bolǵan.
1982 – 1985 jyldary Qazaq KSR Aýyl sharýashylyǵy ministriniń birinshi orynbasary, 1985 jyly - AÓK basqarý jónindegi Respýblikalyq Joǵary mekteptiń rektory, 1986 – 1987 jyldary - Qazaqstan Aýyl sharýashylyǵy ministri, 1990-1995 jyldary Qazaq KSR Joǵary Keńesiniń Tóraǵasy boldy.
1995 jyldan beri Qazaq ulttyq agrarlyq ýniversiteti Agrobiznes kafedrasynyń meńgerýshisi, professory qyzmetterin atqardy.
Serikbolsyn Ábdildin - 11-ge jýyq ǵylymi eńbek pen 6 monografiianyń avtory.
